Finánsaministara ovddasvástádus

- Mun áiggun nu go NSR riikkačoahkkinge garrasit ávžžuhit finánsaministara váldit vel eambbo ovddasvástádusa ja geassit Stáhta Penšunfoandda olgoriikkaoasi eret fitnodagas Aracruz Cellulose. Finánsaministar berre maid geavahit eaiggátvuoimmi vai eatnamat addojuvvojit ruovttoluotta  Guaraniija ja Tupinikum álbmogiidda.

Olmmošvuoigatvuođaid rihkkun

- Dehálaš lea ahte Norga eiseváldit váldet ovddasvástádusa ja gesset investeremiid eret dain fitnodagain mat eai válddet vuhtii eamiálbmogiid máilmmis, cealká Guvsám. Aracruz Cellulose lea báberfabrihkka mas lea váldodoaibma Brasilas, eaige sii dohkket eamiálbmogiid vuoigatvuođaid. Sii leat maid rihkkon olmmošvuoigatvuođaid ja riikkaidgaskasaš birasgáibádusaid.

Ii leat legitimitehta

- Lea maid dehálaš deattuhit ahte indiánardirektoráhtta FUNAI Brasilas leat hilgon dan čállosa mas  Aracruz geahččala bealuštit iežas ja mahkáš duođaštit ahte fitnodat eaiggáduššá 11.009 hektar eatnamiid. Tupinikim ja Guaraniija indiánarat leat vuoitán dehálaš vuoittu nugohčoduvvon demarkašuvdnaproseassas mii galgá bidjat ođđa rájáid indiánariid eatnamiidda ja cellolusebuvttadeddjiid eatnamiidda. Dál lea Brasila justisministera duohken mearridit áššis.

- Mun doaivvun ahte justisministar dahká mearrádusa mii lea buorre indiánariidda. FUNAI gullá justisdepartementii ja sis lea sierra láhkaossodat, muitala Kirsti Guvsám gii ovddasta Norgga Sámii Riikkasearvvi (NSR) Sámedikkis.

Gulahallanolmmoš: Kirsti Guvsám: 90835649

Eambbo seammá áššis:

Sámediggeáirasat cuiggodit Aracruz cellulose
Nytt sviende nederlag for Aracruz
Indianere og samer i protest mot ojefondet