- Ovttasráđiid Davvi Nuorain, SFF-N og NRL-N mii áigut sáddet hui ollu sms dieđuid ja ávžžuhit jienastanvuoigadis nuoraid dieđihit sámi jienastuslohkui. Ulbmil lea ahte nu ollu nuorat go vejolaš geavahit jienastanvuoigatvuođaset boahtte sámediggeválggas, čilge NSR-N jođiheaddji Káre-Elle Partapuoli.

Sms-akšuvdna lea seammá áiggi go Sámediggi sádde skoviid buot nuoraide ja vuosttašgearddejienasteddjiide Finnmárkkus ja Romssas. - Mii jáhkkit dát akšuvdan oláha vejolaš jienastanvuoigadis nuoraid eará láhkái ja eambbo ođđaáigásaš láhkái go dušše reivve ja jienastuslogu skovi oažžut poasttas. Hui dehálaš lea ahte nuorat jienastit boahtte sámediggeválggas ja atnet ávkki dan vuoigatvuođas mii sis lea, cealká Partapuoli.

Go nuorat geavahit jienastanvuoigatvuođaset, de sis sáhttá leat fápmu Sámis. Mii ávžžuhit nuoraid jienastit daid listtuid main lea oaidnu mii vuhtii váldá nuoraid, ja main leat nuorra áirasat listtuin. Mađe eambbo nuorat jienastit sámediggeválggas, dađe eambbo ferte Sámediggi váldit vuhtti min beroštumiid, čilge NSR nuoraidlávdegoddi.