- NSR ferte rekrutteret nuoraid NSRii. Dan sáhttá dahkat dakko bokte ahte ii deattut duššefal politihkalaš beali, muhto maiddái kultuvrralaš ja sosiálalaš beali. NSR ferte buorebut váldit vuhtii NSR nuoraid ja addit nuoraide posišuvnnaid ja válljet sin ráđiide ja lávdegottiide. Eambbo nuoraidsearvvit fertejit ásahuvvot, ja dálá nuoraidservviid doaibma ferte sihkkarastojuvvot. Báikkálaš searvvit fertejit váldit ovddasvástádusa dán ovddas.

- Fertetjit leat jahkásaš čoahkkimat gaskal NSR jođiheddjiid, sámediggeráđi ja nuoraidjođiheddjiiguin vai nuoraid jietna gullu ja vai nuorat besset ovdditid áššiid mat gullet nuoraide.

- Ferte virgáduvvot čálli geas lea ovddasvástádus čuovvolit nuoraiáššiid, ovdamearkka dihte 25 % virggis ja dát čállis berre leat bargosadji NSR čállingottis.

- Sámi nuorat gávpogiin ellet erenoamáš váttis dilis ja danne ferte ráhkaduvvot sámepolitihkalaš plána sámi nuoraide gávpogiin.

OAHPPU
- Nuoaidkataloga mas sámi oahppit/studeanttat besset oaidnit makkár oahput leat Norggas, ja das galget maid leat dieđut oahpuid birra main lea sámi sisdoallu ja dat berre maid čilget makkár stipeanddat leat sámi nuoraide.

- Kvohtaortnet/earit berrejit bissut ja ortnet berre viididuvvot.
- Máŋggakultuvrra- ja guovttegielatvuođapedagogihkka berre leat bákkolaš oahpaheddjiide Davvi-Norggas, Trøndelágas ja Hedmárkkus. Dál leat menddo unnán ásahusaid dát fálaldagat.
- Sámegieloahpahus, kulturipmárdus, historjá ja duodji berre oahpahuvvot dain mánáid- ja nuoraidskuvllain main leat sámi oahppit
- Eambbo áŋgiruššat IT ja gáiddusoahpahusa bealis.
- Alla oahpus berre leat eambbo sámi sisdoallu. Oahppofálaldat berre viiddiduvvot, ja ferte maid fállat dan olggobealde nugohčoduvvon sámi guovddášgovlluid. Ovdamearkka dihte Bodeajus, Nesna ja Levanger.
- Stipeandaortnegat buot sámi nuoraide sorjakeahttá gos orožit.
- Eambbo oahppogirjjit fertejit ráhkaduvvot, eandalit lulli- ja julevsámegillii.
- Oahppogirjjiid sisdoallu berre speadjalastit sámi servodaga ja čájehit man máŋggalágán sámi servodat lea.
- Lasihit/vuoruhit sámi giellaoahpu alla dásis, eandalit fálaldat mii lea studeanttaide geain lea dárogiella eatnigiellan (sámegiela lohkanbajioahppu).
- Ásahit sámi virgebagadalli virggi mas nuorat ožžot rávvagiid ja veahki ámmáhiid ja vejolašvuođaid birra.
- Skuvlavisttit ja mánáidgárddit sámi guovllun fertejit huksejuvvon/divoduvvot vai sáhttet fállát oahpu mii lea heivehuvvon L97S mielde. Sierranas ruhta skuvlavisttiide. Mánáid bajásšaddanbiras lea olleslobmuid ovddasvástádus.
- Nannet sámi giellaoahpaheaddjedili Davvi Nordlánddas ja Lulli-Romssas.

DEARVVAŠVUOHTA

- Riikkadási sámi mánáidsuodjalusásahus berre ásahuvvot, várra ovttas sámi mánáidáittardeddjiin.
- Nissoniid ja mánáid roassoguovddáža berre ásahit, vuosttažettiin sámi suohkaniin.
- Fas rahpat nuvttá dearvvašvuođa ja áhpehisvuođaeastadeami kantuvrra nuoraide sámi suohkaniin.
- Ásahit riikkadási sámi dearvvašvuođa- ja sosálbálvalusa mas lea ovddasvástádus bagadallat ja muitalit sámi nuoraide dearvvašvuođa ja sosiála váttisvuođain.
- Virgádit dulkkaid buohcceviesuide.
- PPB-bálvalus ferte oidnot eambbo ja várra fitnat hálešteamen nuoraiguin klubbain ja nu ain. Nuorat oainnat eai váldde ieš oktavuođa PPBain.
- Ásahit doarjjajoavkkuid mat veahkehit roasuin ja iešgoddimiin. Nuorat dárbbašit suolbmadit morraša ja háleštit rahpasit morraša birra, muhto dál ii leat oktage geas sáhttá jearrat veahkit.
- Lullisámi guovllut fertejit oažžut sierra fálaldagati mas sáhttet oažžut veahki sosiála ja dovddolaš váttisvuođaiguin.

KULTUVRA JA IDENTITEHTA
- Eambbo giellaleairrat mánáide ja nuoraide.
- Eambbo festiválat ja lágideamit mat eai leat politihkalaččat ja eambbo doarjja dálá lágidemiide, vai dat besset joatkit.
- NSR galgá bušehttii bidjat ruđa jahkásaš NSR nuoraiddeaivvadeapmái.
- Ásahit sámi dáiddallaskuvlla mas sáhtt oahppat ja ovdánahttit musihkkamáhtu, girjjálašvuođa, duoji, drama ja nu ain.
- Identitehtaseminárat mas nuorat deaivvadit ja ohppet nubbi nuppi birra ja ožžot eambbo ipmárdusa ja árvvusatnima das ahte mis leat iešguđetge suopmanat, gávttit ja ealáhusat.
- Identitehtaváttisvuođaid ferte váldit áššin skuvllas.

MEDIA JA GIRJJÁLAŠVUOHTA
- Eambbo doarjja sámi aviissaide
- Eambbo fásta radio- ja TV-prográmmat mánáide ja nuoraide. Eandalit lulli- ja julevsámegillii.
- Eambbo doarjja mánáid- ja nuoraidbláđđái, ja eambbo deaddu lulli- ja julevsámegillii.
- Govvaráiddut golmma suopmaniidda. Mii váillahit Vulle Vuojáža sámegillii.
- Lasihit mánáid- ja nuoraidgirjjiid ja bláđiid almmuheami, ja dat galggaše maid leat dárogilii sámi sisdoaluin.
- Lasihit sámi musihka almmuheami, ja ovdamearkka dihte almmuhit Sámi Grand Prix cd.
- Ásahit sierra mánáid- ja nuoraidssiidduid sameneahtas/interneahtas.

Mii háliidit diehtit maid DII oaivvildehpet. Sáddestehpet fal maila midjiide ja muitalehpet mainna mii galgat bargat, din mielas.