RSS-feed

Velg språk!

Utskriftsvennlig versjon Oahppofálaldagaid birra
Norggas leat 22 oahppplávdegotti ja SOL lea okta dain. Ollesolbmooahpahuslága bokte oažžu SOL stáhtadoarjaga vai beassá doaimmahit ollesolbmooahpahusa.

Almmuhuvvon: 31.08.2006

Dainna lágiin lea SOLs sierranas ovddasvástádus sámi álbmoga ektui. Oahpahus sáhttá addojuvvot eanas fágasurggiin asttoáiggedoaimmain gitta ohppui mii lea allaskuvla- ja universitehtadásis.

Min oahppofálaldagat leat eanas dain fágasurggiin main lea mearkkašupmi sámi kultuvrrii.
Eanas oahpahus lea dáin surggiin:
· duodji
· giella
· kultuvra ja luonddugeavaheapmi
· eará fágat

Duodjeoahpahus lea vuođđooahpahus, ja mii gohčodit dan sámi álbmodiehtojuohkin. Dán oahpahusas eai leat eksámengáibádusat, muhto oahpahusa vuođul sáhttá joatkit oahpuin ja studeregoahtit.
Bivnnomus oahput leat bivttasduodji, namalassii gáktegoarrun, gámagoarrun, beaskagoarrun ja eará mii gullá sámi árbevirolaš biktasiidda. Veaháš oahpahus lea maid goahtehuksemis ja leaŋggaid ráhkadeamis.
SOLs leat oahppoplánat kurssaide, muhto juohkehaš sáhttá maid ieš ráhkadit oahppoplánaid mat leat heivehuvvon sidjiide ja sin dilálašvuhtii. Árbevirolaš máhtolašvuođa addin ja sámi realgelbbolašvuohta leat áigeguovdilat.

SOL addá sámegiela oahpahusa guovtti ulbmiljoavkkuide, daidda geat sihtet oahppat sámegiela hupmat ja daidda geain lea sámegiella eatnigiellan. Oahpahus lea gárvvis kursapáhkaid vuođul, namalassii "DAVVIN" ja "SÁMÁS", dahje sáhttá ráhkadit sierra heivehuvvon doaimma dárbbu mielde. Kurssat leat modulaid mielde; DAVVIN 1-4 ja SÁMÁS 1-3. Juohke modula bistá 30 - 50 diimmu dan duohken man ollu oasseváldit leat lohkan ovdalaččas. Juohke oahpahusas fertejit leat unnimustá vihtta oasseváldi.
SOL addá maid oahpahusa fonetihka ja gielladiehtaga ovdageahččaleamis, sámegiella lohkanbadji ja sámegiella vuođđofága. Dát leat universitehtafágat (bajit dási studierieggát) ja dat loahpahuvvojit eksámeniin universitehtas dahje allaskuvllas mas lea kurssa fágalaš ovddasvástádus. Oahput sáhttet ruhtaduvvot olggobealde boahtán ruđain ja fertetji leat unnimustá 10 oasseváldi.

Kultuvra ja luonddugeavaheapmi leat fágat mat gullet sámi kultuvra ja/dahje ealáhusfágaide. Dakkár kurssat leat gárdun, nuohttun, juoigan/luohti, heargedápman, gálbbiid mearkut, guođohit, ja eará. Dát fágasuorggit leat váilon almmolaš oahpahusvuogádagas. SOL lea dorjon dán kulturárbbi dakko bokte ahte lea fállan organiserejuvvon oahpahusa árbevirolaš máhtus ja veahkehan fievrridit máhtu buolvvas bulvii. Dáin surggiin lea ollu sámi realgelbbolašvuohta ja danne SOL dávjá bálkaha oahpaheddjiid main lea buorre realgelbbolašvuohta vaikko ii leat formála gelbbolašvuohta.

SOL sáhttá rievtti mielde fállat oahpahusa vaikko makkár fágain. Eará fágain lea SOL ovdamearkka dihte fállan GPS-navigašuvnna kurssa, vuosttašveahkki, makanihkka fágat, dihtor jnv.

STÁHTADOARJJA
Oahppolihtuid doaibma lea oalle ollu eaktodáhtolaš doaibma. Namalassii nu ahte ii leat komersiealla doaibma. SOL oažžu jahkásazčat stáhtadoarjaga doibmii ja oahpahussii. SOL fálla dasto stáhtadoarjaga oahpahussii. SOLs lea maid sierranas doarjja "Sierranas ulbmiljoavkkuide". Dáiguin ruđaiguin galgá SOL veahkehit olbmuid geain lea váttis dilli, vai sii besset searvat dábálaš dahje sierranas oahpahusfálaldagaide. Kurssat ruhtaduvvojit dávjá sihke stáhtadoarjagiin, kursadivvadiin ja olggobealde boahtán ruđain jos lea.

MO ÁLGGAHIT DOAIMMA
SOL báikkálaš searvvit leat NSR sámesearvvit (sullii 25) miehtá riikka. Sii leat min ovttasbargoguoimmit ja sii leat lágidit kurssaid. Váldde oktavuođa NSR báikkálaš servvin ja jeara lea go sis oahpahus. Dain guovlluin main SOL eai leat báikkálaš searvvit sáhttit mii ovttasbargat earáiguin geat lágidit kurssaid min ovddas.

LEAŊGGAT
Voksenopplæringsforbundet: www.vofo.no





Kommenter denne artikkelen    Tips en venn  Gå tilbake
NSR medias
Evttoha ásahit priváhtaskuvllaid
Presideanta lea vuollánan
NSR ovddida otne eahpeluohttamuša
NSR ii arvan árvalit eahppeluohttámuša...
Olli ferte čilget oaiviliiddis

 

Maŋimuš kommentárat artihkkalaiidda

Norgga Sámiid Riikkasearvi
Norske Samers Riksforbund

Poastboksa 173 - 9521 GUOVDAGEAIDNU
Tlf.: +47 78 48 69 55  * Fax: +47 78 48 69 88 *
nsr(a)nsr.no
Mobil: +47 988 50 273 - Org.nr: 971 481 463

Hápmen: Samipress Medietjenester
Siidovuogádat:
Interkodex A/S