NSR lea guhká bargan giellaealáskahttimiin" cealká Muotka. Son čujuha giellabargguide mat leat jođus nana mearrasámi guovlluin, ovdamearkka dihte Várjjat, Gáivuotna, Poršáŋgu ja dieđusge Divttasvuotna – mii lea Åmo ruovttubáikki lahka. "Dehálaš lea oahppat sullasaš giellabargguin main eanas sámit ja sámi báikegottit beroštit. Giellabargu lea oktasaš sámi bargu ja lea dehálaš viežžat bargomovtta eará mearrasámi báikegottiin" cealká Silje Karine Muotka.

NSR veahkeha
"Mun lean odne váldán oktavuođa Willy Åmoiin ja fállan sutnje Norgga Sámiid Riikkasearvvi dieđuid ja vásáhusaid maid mii leat čohkken giellaealáskahttinbarggus eará mearrasámi guovlluin. Åmo ja Mearrasámi oahppalihttu sáhttet váldit oktavuođa minguin ja beassat gullat eambbo giellanannenstragegiijaid birra sin guovllus. Mii čujuhit maid min sámediggeáirasiidda Gaska-Nordlánddas, Tone Finnesen ja Miriam Paulsen geat áinnas čoahkkinastiba oahppalihtuin. NSR áinnas maid veahkeha oažžut oktavuođa eará giellafágalaš ressursaolbmuiguin dán guovllus."

Kvalifiserejuvvot dutkit
"Julevsámi giellaguovllus ferte nannet resurssaid vai beasašedje dutkat mearrasámi suopmaniid julevsámi giellaguovllus. Mii dárbbašit nana giellafágalaš gealbbu, ja lea lunddolaš ahte lea oktavuohta dálá fágaolbmuiguin guovllus. Hui dehálaš lea ahte dutkama čađahit kvalifiserejuvvon dutkit. Báikkálaš ressurssat sáhttet maid bargat árjjálaš giellanannenbargguid" cealká Muotka.

Demokráhtalaš kanálat
"Nealgudeapmi ii leat heađisge rievttes geaidnu" oaivvilda Muotka, ja jearrá lea go Mearrasámi oahppalihttu geavahan daid kanálaid mat gávdojit sihke báikkálaččat ja eiseválddiid ektui. "Ii berre eisege olbmuid heakka bidjat váralaš dillái. Mearrasámi oahppalihttu berre geavahit demokráhtalaš kanálaid mat leat sámi servodagas ja daid bokte ovddidit iežaset ášši nu bures go vedjet."

Gulahallanolbmot:
Silje Karine Muotka, jođiheaddji, Vuona Sámij Rijkasiebrre/Norgga Sámiid Riikkasearvvi tlf 98 48 75 76
Wenche Nergård, Sálto Sámesiebrre – NSR jođiheaddji tlf. 99 34 10 13
Tone Finnesen, sámediggeáirras Vuona Sámij Rijkasiebrre/Norgga Sámiid Riikkasearvi, Gaska-Nordlánda tlf. 99 52 86 12

Áššáiguoskevaš leaŋggat:
Samer vil sultestreike for like rettigheter
Áigo nealgudit
Mearrasámi oahppalihttu