RSS-feed

Velg språk!

Utskriftsvennlig versjon NSR jođiheaddji dearvvuođat NBR riikkačoahkkimii
NSR jođiheaddji, Silje K. Muotka, oasálasttii guossin Norgga Boazosápmelaččaid Riikkasearvvi riikkačoahkkimis Áltás 2006 geassemánu 16.-17.beivvid. Dearvuohtasártnis son sávai buori ja lagabui gulahallama gaskal NSR ja NBR.

Almmuhuvvon: 21.06.2006

Mun buvttán dearvvuođaid din riikkačoahkkimii Norgga Sámiid Riikkasearvvis. Dát riikkačoahkkin lea dehálaš arena boazodoalloealáhussii. Dat bargu mii bargojuvvo dáppe lea dehálaš olles sámi servodahkii. Boazodoallu lea sámi kulturguoddi. Buot sápmelaččat dárbbašit boazodoalu, juogo njuolga - dahje indirekte.

Máŋga hástalusa bohtet boazoealáhusa ovddal. Sisabáhkkemat guohtuneatnamiidda ja dálkkádatrievdamat uhkidit ealáhusa. Buot sámi organisašuvnnat ja olles sámi servodat ferte doarjut boazodoalu barggu oažžut buoret eavttuid ealáhussii. Norgga Sámiid Riikkaservi háliida ságastallat dinguin go dii lehpet bargamin oažžut buoret rámmaeavttuid ealáhussii.

Boazodoalloealáhus movttiidahttá. Sámi servodat sáhttá oahppat olu boazodoalus. Boazodoalus dáhpáhuvvet gelddolaš ovddidanbarggut mas olbmot geahččalit kombineret doalu ja eará ealáhusaid. Gelddolaš lea maid čuovvut mielde mo ođđa biergovuovdin-fitnodagat ásahuvvojit, ja ođđa strategiijat ráhkaduvvojit vai bohccobiergu johtá márkaniidda. Dehálaš lea maid dat bargu mii lea jođus systematiseret boazoealáhusa máhtu, vai dán suorggi dutkan ja oahpahus nannejuvvo.

Sámi ealáhusas, boazodoalus, lea verddevuohta leamaš dábálaš. Verddevuohta lea ovttastallanvuohki maid boazodoallu lea perfekšuneren. Verddevuođas lea stuora árvu sámi servodagas, ja mii sáhtášeimmet várra geavahit verddevuođa strategiija vai mii nagodit politihka dahkat duohtan ja sihkkarastit sámi servodaga.

Dasto mun sávan didjiide ain buori riikkačoahkkima!



Kommenter denne artikkelen    Tips en venn  Gå tilbake
NSR medias
Evttoha ásahit priváhtaskuvllaid
Presideanta lea vuollánan
NSR ovddida otne eahpeluohttamuša
NSR ii arvan árvalit eahppeluohttámuša...
Olli ferte čilget oaiviliiddis

 

Maŋimuš kommentárat artihkkalaiidda

NSRs historie
  • Bokep Online Fardad
  • På tide å oppdatere?
Berrejit ásahit studeantastipeandda
  • 55nl
Duhtavaš go sámegielstipeanda lea lassánan
  • cuhRbaCCgbGvKR
  • Tøffa govva!

Norgga Sámiid Riikkasearvi
Norske Samers Riksforbund

Poastboksa 173 - 9521 GUOVDAGEAIDNU
Tlf.: +47 78 48 69 55  * Fax: +47 78 48 69 88 *
nsr(a)nsr.no
Mobil: +47 988 50 273 - Org.nr: 971 481 463

Hápmen: Samipress Medietjenester
Siidovuogádat:
Interkodex A/S