Norgga Kulturministaris lea ovddasvástádus fuolahit sámi álbmoga seammá bures go dáčča álbmoga ovddadássasašvuođa prinsihpa mielde. NSR diehtá ahte Sámediggi juolluda ruđa sámi girjelágadusaide ja girjelágadusat leat dehálaš sámi ásahusat. Sámediggi ruhtada dávjá maid buot deaddilan ja almmuhangoluid olu gijjiin mat almmuhuvvojit Sámis. Lea go dalle riekta ahte Sámediggi fas galgá oastit daid seammá girjjiid ja skeŋket skuvllaide ja girjerádjosiidda?

Girjeoastinortnet lea dehálaš
Lea stuora hástalus gávdnat sámegielgirjjiid. Sámi girjjálašvuohta almmuhuvvo smávva lágadusain mat eai goastta márkaniidda fievrridit iežaset girjjiid. Sámi girjjit almmuhuvvojit smávva lágadusain golmma-njeallji riikkas. Dábálaš girjerájosbargái lea veadjetmeahttun snuoggat ja gávnnahit gos dat sámi girjjit, videot ja CDat leat - mat almmuhuvvojit duollet dálle. De han juo ferte leat sierrana ohcangelbbolašvuohta ja várrejuvvon bargoáigi dasa.
- Ieš illudin hirbmasit go dál fáhkka gávdnen álbmotmuitalus CD mii lea almmuhuvvon jagis 2002 Sámedikkis, ja vel gávdnen gassa Mumi girjji sámegillii mii lea suomabealde almmuhuvvon goasnu - ja livččen galgan dalle juo gávdnan daid go mu mánáguovttos leigga smávit, cealká Marit Einejord NSR organisatuvrralaš nubbejođiheaddji.

Mii lea oastinortnet?
Oastinortnet leat go Kultur- ja girkodepartemeanta oastá dárogiel čáppagirjjálašvuođa, diktagirjjiid ja fágagirjjiid Norgga kulturráđi (Norsk Kulturråd) bokte. Norgga kulturráđđi ásahii máŋga jagi dás ovdal girjeoastinortnega. Sii sirde dađistaga oastinortnega Davviriikkaid ministarráđđái nu go dáhpi leige dalle, namalassii ahte sámi ortnegiid buot sirdit sámi ásahusaide. Davviriikkaid ministrarráđđi gis sirddii ortnega Sámiráđđái mii jagis 2000 ii šat gávdnan ruđaid ortnegii.
- Deháleamos livččii ahte dál šattašii oastinortnet ja ahte mii ovddas sámi girječálliiguin nagodit čalmmustit sámi servodaga dárbbuid. Oastinortnegat leat deháleamos vuohki ovddidit ođđa sámi girjjálašvuođa, loahpaha Einejord.

Gulahallanolmmoš: Marit Einejord, mátketlf. 48095289

Áigeguovlilis leaŋggat: http://www.kulturrad.no/Apps/nkr/articles.nsf/lupTagsByUNID/497ED125B00C8AFBC1256B27004A81AD!OpenDocument