- Silje dovdá NSR organisašuvnna hui bures ja lea ovdal leamaš guokte áigodaga NSR riikkastivrras ja leamaš olu luohttámušdoaimmat organisašuvnnas. Dál son lea Álttá sámiid searvvi miellahttu ja mii leat ilus go beassat evttohit Silje Muotka NSR jodiheaddjin, cealká Áltttá sámiid searvvi jodiheaddji, Brita Julianne Skum.

Jodihii válgabarggu
Silje Muotka jodihii NSR válgabarggu sámediggeválggain 2005 – organiserejuvvon prošeaktan mii cadahuvvui eaktodáhtolaccat – ja rámiduvvui olu iežas barggu ovddas. Guktii ovdal lea Silje Muotka leamaš NSR riikkastivrras. Son lea jodihan NSR nuoraidlávdegotti, Unjárgga sámiidnuoraid searvvi ja Romssa sámiid searvvi ja leamaš vel eará luohttámušdoaimmat.
- Silje lea oidnosis, ealjár ja hui ceahppi ovddidit áššiid NSRs. Son lea árjjálaš ja dakkár gii máhttá jurddašit mo organisašuvdna galgá leat ovddasguvlui. Midjiide lei áibbas lunddolaš evttohit su, cealká Romssa sámiid searvvi jodiheaddji, Anita Lervoll.

Ovttasbargovásáhusat
Silje Muotka lea 31 jagi boaris, náitalan ja golmmajahkásaš máná eadni. Son lea Unjárggas eret ja orru dál Álttás gos bargá vuosttaškonsuleantan Finnmárkku allskuvllas. Sus lea má?ggafágalaš oahppu; láhkaoahppu, sámi kulturmáhttu, prošeaktajodiheapmi ja ealáhusovddideapmi.
- Mii evttohit Silje danne go mis leat buorit ovttasbargovásáhusat, dadjá Tor Mikalsen gii jodiha Gáivuona Sámesearvvi.

Gilvojienasteamit
Muotka illuda rikkacoahkkimii Deanus geassemánus. " Šaddá erenoamáš gelddolaš áigi dál" lohká Muotka, ja son diehtá bures ahte leat má?ga á?giris ja ceahpes politihkkára organisašuvnnas mat heivejit bures jodiheaddji-kandidáhttan. "Lean leamaš mielde má?ga gelddolaš gilvojienastemiin dan 16 jagis go lean leamaš mielde NSRs, ja mun diedán hui bures ahte ii leat álki diehtit makkár boadus šaddá. Mun áiggun geahccalit cájehit ahte ánssašan dán gutni, vaikko in astta makkárge válgagiccuid bidjat johtui ovdal jahkecoahkkima" lohká Muotka optimistalaccat.

Sávvá luohttamuša oažžumis
"Mun sávan ahte oaccun luottámuša jodiheaddji-kandidahttán maiddái eará báikkálaš servviin dál go mun searvvan jodiheaddji-kandidáhttan" cilge Muotka speanta. "Lea stuorra gudni ahte mu leat evttohan jodiheaddjin, ja mun hálidan ovttas báikkálaš servviiguin ovddidit organisašuvnna. Son oaidná má?ga dehálaš hástalusa boahtteáiggis. Earret eará jáhkká Muotka ahte lea dehálaš doarjut báikkálaš servviid mat eanemusat barget kultuvrralaš doaimmaiguin. Dokumentašuvdnabargu, giellabargu ja kursadoaimat leat NSR ovddamunni ja dovdamearka, ja má?ga báikkálaš searvvi barget daiguin áššiiguin.

Eanet dieduid addet:
Silje Karine Muotka, jodiheaddji evttohas 77520595/98487576
Jan Erik Henriksen, válgalávdegotti jodiheaddji 92837704
Brita Julianne Skum, Álttá Sámiid Searvvi jodiheaddji 970 91011
Anita Lervoll, Romssa Sámiid Searvvi jodiheaddji 95763533
Tor Mikalsen, Gáivuona Sámesearvvi jodiheaddji NSR 99326744