Várrepresideanta ii ane árvvus márkosámi guovlluid ja atná duššiin márkosámi dárbbu sámivuođa oččodit lobalažžan ja árvvusadnojuvvon.  Várrepresideanttas ii galggašii leat dákkár gáržžes oaidnu eará sámi guovlluid hárrái. NSR-N oaivvilda ahte jos sámi servodat galgá ovdánit, de ferte nagodit geahččat sámi álbmoga oktan álbmogin sorjakeahttá das makkár guovllus olbmot de bođežat.NSR-nuoraidlávdegotti mielas lea áigi ahte várrepresideantta Johan Mikkel Sara buktá šállošeami dáid guovlluid guovdu, ja mii vuordit ahte bargagoahtá maiddái daid Sámi guovlluid ovddas mat leat báhcán doaresbeallái.

NSR-N mielas lea šállošahtti go báikkálaš searvi ferte dan mađe garrasit oainnuset cealkit ahte uhkidit vel geassáditge organisašuvnnas ovdal go NSR jođihangottis gullogoahtá mihkkege, ja NSR-N sávvá ahte boahtteáiggis ii dárbbáš ná guhká vuordit vástádusa NSR jođihangottis.

NSR-N sávvá ahte Sámediggeráđđi čorge dán unohis dili mii lea čuožžilan, ja seammás sávašeimmet oažžut NSR organisašuvdnastruktuvrra čilgehusa.

NSR-N ii dohkket šat ahte várrepresideanta láhtte juste nu mo ieš háliida.

Kare-Elle Partapuoli

Norgga Sámiid Riikkasearvvi Nuoraidlávdegotti jođiheaddji

+47 907 97 925