Finnmárkkuopmodaga stivra doaibmagoahtá 01.01.06, ja Sámediggi ja Finnmárkku Fylkkagielda nammadeaba golmma áirasa goabbáge. Okta dain vuosttaš áššiin mainna Finnmárkkuopmodaga stivra bargagoahtá lea hálddáhusa ásahemiin. Norgga Sámiid Riikkasearvvi (NSR) sámediggejoavku hálida ahte Finnmárkkuopmodaga váldokántuvra ásahuvvo Poršáŋgui.
NSR dáhttu nannet Poršáŋggu servodaga
- Poršáŋgu lea buoremus báiki ásaheapmái go gielddas leat bures vuhtii váldán ahte gielda lea golmma čeardda ruovttuguovlu, sihke sámi, dážaid ja kveanaid, dadjá NSR parlamentáralaš jođiheaddji Jánoš Trosten.
NSR atná sámi báikegottiid nannema hui dehálažžan. Lávdadit servodatdoaimmaid lea eaktun buori guovllupolitihkkii. Poršáŋggus leat dál unnán sámi ja eará almmolaš ásahusat. – NSR dáhttu nannet Poršáŋggu gieldda ja oaidnit Finnmárkkuopmodaga ásaheami buorrin Poršáŋggu servodahkii, dadjá Trosten.
Ođđa álgu ja historjá Finnmárkku eatnamiid hálddašeamis
Finnmárkkuopmodat lea ođđa ásahus, man doibmii leat vuođđun eará ulbmilat go mat dálá hálddašeamis leat. NSR oaidná dehálažžan ahte dát maid vuhtto Finnmárkkuopmodaga ásaheamis. – Mii dáhttut ahte Finnmárkkuopmodat ásahuvvo eará báikái go dálá Statskog go lea dehálaš markeret ođđa álggu ja historjjá Finnmárkku eatnamiid hálddašeamis, loahpaha Jánoš Trosten
Jánoš lea guođđán NSR. Jienas NSR/SáB-listtu 2009 válggain 2009
Kommenter denne artikkelen
Tips en venn Gå tilbake