RSS-feed

Velg språk!

Utskriftsvennlig versjon Savio hávdi našunála ovddasvástádussan
Sámi dáiddár John Savio lea Osloi hávdáduvvun. NSR báikkálaš searvi, Oslo Sámiid Searvi lea máŋggaid jagiid máksán hávddi goluid. OSSas oaivildit dál ahte ovtta sámi beakkáneamos dáiddáriid hávdi berrešii leat ovddasvástádussan nášunála kultureiseváldiide, ja evttohit danin ahte Sámediggi válddašii badjelasas Savio hávddi goluid.

Almmuhuvvon: 13.10.2005

Oslo Sámiid Searvi lea máŋggaid jagiid máksán láiggu ja divššu sámi dáiddara John Savio hávddi ovddas Vestre Gravlundas Oslos. John Andreas Savio (1902 – 1938) atnojuvvo okta deháleapmos sámi dáiddáriin. Savio bajasšattai Buođggáin Finnmárkkus, ja jámii Osloi 1938:is geahpesdávddas, 36 jagi boarisin.

 

Čalmmustedje Savio hávddi

 

Ingrid Jåma muitala ahte Oslo Sámiid Searvi 70-logus bargagođii oččodit muitobázzi John Savio hávdái, mii dalle ii oba lean ge merkejuvvon. – Duogaš dasa ahte álggaheimmet dán lei ahte Oslo Sámiid Searvvis hálideimmet ahte stuorra dáiddara hávdi galggai čalmmustuvvot, čilge OSS-jođiheaddji Jåma. Dalle biddjui hávdde ala geađgi mas lea latnjagovva bronssas maid nubbi dovddus sámi dáiddár, Iver Jåks, lea ráhkadan. – Dát hávdebázzi atnojuvvo okta dain deháleapmos bargguin Jåksa dáidagis dien áigodagas, dadjá Ingrid Jåma

 

Hálidit gudnejahttit Savio

 

Ingrid Jåma čujuha dasa ahte dáiddaris John Savios lea stuorra našunálalaš mearkkašupmi. – Son lea okta  dain beakkáneamos sámi dáiddariin, ja mii hálidat ahte Savio gudnejahttojuvvo dan bokte ahte su hávdi loktejuvvo našunála ovddasvástádussan, ii ge dušše leat báikkálaš beroštupmi dasa, dadjá Jåma. Sii evttohit danin ahte Sámediggi váldá badjelasas goluid John Savio hávddi láigui ja dikšumii. – Berre leat ovddasvástádus našunála sámi kulturmuitoeiseváldiide, loahpaha Ingrid Jåma.

 





Kommenter denne artikkelen    Tips en venn  Gå tilbake
NSR medias
Evttoha ásahit priváhtaskuvllaid
Presideanta lea vuollánan
NSR ovddida otne eahpeluohttamuša
NSR ii arvan árvalit eahppeluohttámuša...
Olli ferte čilget oaiviliiddis

 

Maŋimuš kommentárat artihkkalaiidda

NSRs historie
  • Bokep Online Fardad
  • På tide å oppdatere?
Berrejit ásahit studeantastipeandda
  • 55nl
Duhtavaš go sámegielstipeanda lea lassánan
  • cuhRbaCCgbGvKR
  • Tøffa govva!

Norgga Sámiid Riikkasearvi
Norske Samers Riksforbund

Poastboksa 173 - 9521 GUOVDAGEAIDNU
Tlf.: +47 78 48 69 55  * Fax: +47 78 48 69 88 *
nsr(a)nsr.no
Mobil: +47 988 50 273 - Org.nr: 971 481 463

Hápmen: Samipress Medietjenester
Siidovuogádat:
Interkodex A/S