NSR ođđa sámediggejoavkkus leat 18 áirasa. NSR-áirasat leat 12 nissonolbmo ja 6 almmáiolbmo. Nuoramus NSR-áirras lea Susanne Amalie Andersen (20 jagi) Lulli-Romssas. Veterána Jarle Jonassen (55 jagi) Lullisámebiires lea leamaš Sámedikkis álggu rájes, ja lea joavkku boarráseamos.

Giitá jienasteddjiid ja organisašuvnna

- Mun giittán buohkaid geat leat jienastan NSR, ja dakko bokte oskkildan midjiide stivret Sámedikki sámi servodaga buorrin, cealká giitevaš Aili Keskitalo. – Mii sávvat šiehtadallamat addet NSRii eanetlogu maiddái ođđa Sámedikkis, Aili cealká.

Aili Keskitalo deatthuha dan hirbmat buori barggu maid organisašuvdna lea bargan válgagiččus. – Sihke listoevttohasat ja earát leat bures bargan válgabohtosiid ovddas, Aili rábmu.

NSR ođđa sámediggejoavku

Gunn Britt Retter (Várjjat), Jánoš Trosten (Deatnu), Synnøve Solbakken-Härkönen (Kárášjohka), Aili Keskitalo, Klemet Erland Hætta (Guovdageaidnu), John Harald Skum (Álttá), Tor Mikalsen (Davvi-Romsa), Randi A. Skum, Lene Hansen (Gaska-Romsa), Ann-Mari Thomassen, Susanne Amalie Andersen (Lulli-Romsa), Kjersti Myrnes Balto, Roger Pedersen (Davvi Nordlánda), Tone Finnesen, Miriam Paulsen (Gaska-Nordlánda), Jarle Jonassen (Lullisámebiire), Rita-Alise Porsanger, Kirsti Guvsám (Lulli-Norga)