Norgga Sámiid Riikkasearvvi presideantaevttohas ja jođiheaddji, Aili Keskitalo lea ilus dál go NSR lea vuoitán skuvlaválggaid ja ožžon 31,8 % sámi nuoraid jienain. - Dát lea buorre ođas dál go válgabeaivi lahkona olles leavttuin, Keskitalo dadjá. Norgga bargiidbellodat oaččui 16,8% jienain skuvlaválggain.
Rámida NSR Nuoraidlávedgotti.
Aili Keskitalo rámida Norgga Sámiid Riikkasearvvi Nuoraidlávdegotti go leat nu bures joatkkaskuvllain oassálastán. Vuosttas geardde lea ohppiin leamaš vejolašvuohta jienastit sámediggeválgalisttuid. - Min nuorat leat duostilit lávken ođđa politihkalaš arenai. Árvvus anan sin barggu NSR jođiheaddjin ja čevllohalan go mis leat ná čeahpes nuorat, dadjá Aili.
Aili Keskitalo lea maid ieš oassálastán muhtun joatkkaskuvladebáhtain sihke Romssas ja Finnmárkkus, ja lea čielgasit vuohttán mot nuorat jearahit oahpponeavvuid ja oahpahuspolitihka, ja maid ollu eará fáttáid. – Leamaš illudahtti deaivat nuoramus jienasteddjiid, Keskitalo dadjá.
Ávžžuha vuosttašgearddejienasteddjiid jienastit
– Sávan vuosttašgearddejienasteaddjit jienastit maiddái sámediggeválggaid. Juohke jienas lea ávki, ja erenoamážit sámediggeválggas lea nu, dadjá Aili Keskitalo. Dán jagi galgat maid juohkit liigemandáhtaid dan mielde galle jiena dohkkehuvvojit juohke válgabiires. Jos unnán olbmot jienastit dain válgabiriin main leat eanemus jienasteaddjid, de sáhttá válgabiire manahit liigemandáhta.
Norgga Sámiid Riikkasearvi gáibidii ge skuvlaválggaid oassin nášunála skuvlaválggain. - Dál de šaddá miellagiddevaš oaidnit leat go sámediggeválggas seammá bohtosat, Keskitalo dadjá.
– Juste dál illudan dáid bohtosiin, vaikko in leat ovdalgihtii vuoittu dáhkideamen, Keskitalo dadjá.
Neahttačujuhus: www.nsd.uib.no
Váldde oktavuođa:
NSR presideantaevttohas ja jođiheaddji Aili Keskitalo, tlf. 950 72 743
NSR-N jođiheaddji: Káre-Elle Partapuoli, tlf. 90797925
Kommenter denne artikkelen
Tips en venn Gå tilbake