RSS-feed

Velg språk!

Utskriftsvennlig versjon Ávági julggaštus - Vuoigatvuohta váldit ovddasvástádusa
Čájáhusgovva. Govven: NSR.
Hui buorre ahte Ávági julggaštusa birra lea ollu sáhka medias dáid áiggiid. Ávági julggaštus lea dehálaš dokumeanta sápmelaččaide danne go lea stuorra erohus sámepolitihkas dain stáhtain main sápmelaččat orrot.

Almmuhuvvon: 31.10.2007

Julggaštus mearriduvvui sámekonferánssas Ávágis 2004. Sámekonferánsa lea Sámeráđi generálačoahkkin. Sámeráđđi miellahtut leat gávcci sámi organisašuvnnat. Norgga bealde leat sihke Norgga Sámiid Riikkasearvi (NSR), Norgga Boazosápmelaččaid Riikkasearvi (NRL) ja Sámi Álbmotlihttu (SFF) miellahtut.

Stuorra erohusat sámepolitihkas
Sámeráđi bargu lea dehálaš sápmelaččaide geat orrot njeallje stáhtas. Ávági julggaštus lea dehálaš dokumeanta sápmelaččaide. Mii leat okta álbmot ja našuvdna, muhto lea stuorra erohus sámepolitihkas dain stáhtain main sápmelaččat orrot. Julggaštus sáhttá leat buorre reaidu go mii leat bargamin buoridit sápmelaččaid rámmaeavttuid guhtege stáhtas.

Organisašuvnnat mearridan julggaštusa
Norgga Sámiid Riikkasearvi mearridii ovttajienalaččat julggaštusa NSR riikkačoahkkimis Álttás 2005. Nuppit miellahttoorganisašuvnnat leat mearridan julggaštusa iežaset organisašuvnnain. Dehálaš lea fuomášit ahte julggaštusa váldočuoggát leat dakkár áššit mat leat dohkkehuvvon Norggas ja riikkaidgaskasaččat. Áiggi mielde leat mii čielggadan ja defineren mat eamiálbmogiid vuoigatvuohta iešmearrideapmái lea. Julggaštus deattuha ahte sápmelaččain leat historjjálaš vuoigatvuođat ja mii oaivvildit ahte sápmelaččain ii sáhte váldojuvvot eret eallinvuođđu. Dát lea guhká leamaš Norgga Sámiid Riikkasearvi barggu vuođđu.

Biraspolitihkka guovddážis
Norgga Sámiid Riikkasearvi lea ovddideamen iežas biraspolitihka. Mii beroštit sierranasat Ávági julggaštusa kapihttalis mii čilge birasáššiid ja nanaguoddevaš ovdáneami sámi guovlluin. Min mielas sápmelaččat galget searvat birasgažaldagain ságastallamiidda – ja ságastallat sihke nuppiid olbmuiguin ja eiseválddiiguin – ja mii leat geatnegahtton bargat nanaguoddevaš ovdáneami ovddas mii lea buorre birrasii.

Vuoigatvuohta váldit ovddasvástádusa
Eamiálbmogiid vuoigatvuohta iešmearrideapmái čilge maiddái ahte mis lea vuoigatvuohta váldit ovddasvástádusa – ja dat soaitá leat buot deháleamos ášši ja seammá dehálaš go eiseválddiid geatnegasvuohta minoritehtaid ja eamiálbmogiid ektui.

Sámeráđi neahttasiiddut
Dárogillii: http://www.saamicouncil.net/?deptid=1114
Sámegillii: http://www.saamicouncil.net/?deptid=1113

Ávági julggaštus
Dárogillii:  http://www.saamicouncil.net/files/20050518214056.doc
Sámegillii:  http://www.saamicouncil.net/files/20041214132214.doc

NSR ovddasteaddjit Sámeráđis:
Geir Tommy Pedersen giehtatelefuvdna: 94823104
Aile Javo: giehtatelefuvdna 95025926

NSR Sámeráđis (dárogillii)

Denne artikkelen på norsk





Kommenter denne artikkelen    Tips en venn  Gå tilbake
NSR medias
Evttoha ásahit priváhtaskuvllaid
Presideanta lea vuollánan
NSR ovddida otne eahpeluohttamuša
NSR ii arvan árvalit eahppeluohttámuša...
Olli ferte čilget oaiviliiddis

 

Maŋimuš kommentárat artihkkalaiidda

Norgga Sámiid Riikkasearvi
Norske Samers Riksforbund

Poastboksa 173 - 9521 GUOVDAGEAIDNU
Tlf.: +47 78 48 69 55  * Fax: +47 78 48 69 88 *
nsr(a)nsr.no
Mobil: +47 988 50 273 - Org.nr: 971 481 463

Hápmen: Samipress Medietjenester
Siidovuogádat:
Interkodex A/S