Mearraresursaláhkalávdegoddi lea buktán čielggadusa. NSR lea geahčadan čielggadusa ja vuosttaš konklušuvdna lea: Sámediggi ferte bivdit čoahkkima guolástusministtariin Svein Ludvigseniin oažžut čielgasa das mii dál dáhpáhuvvá čielggadusain NOU 2005:10 – Láhka luođu mariinna resurssaid hálddašeami birra.

Ráđđehus lea finnmárkoláhkabarggu olis šiehtadan ja lohpidan Sámedikkiin konsulteret. Dát ášši lea dakkár mii konsultašuvdnašiehtadusii gullá, ja konsultašuvnnaid berre čađahit farggamusat.

NSR sámediggejoavku sáhttá dál juo dadjat ahte ii dohkket lávdegotti eanetlogu evttohusa sirdit mariinna resurssaid oamasteami stáhtii. Mii leat duhtavaččat go lávdegotti lahttu, sámediggeáirras Berit Ranveig Nilssen lea vuostálaštan lávegotti eanetolug evttohusa.

NSR lea hirpmástuvvan go lávdegotti eanetlohku lea dán láhkái dulkon sámi vuoigatvuođaid ahte sámi vuoigatvuođat mahkáš nohket fiervás, - dolkojuvvon rikkaidgaskasaš riektegažaldagaid ektui. Stuorraiggi han lea aitto finnmárkolága meannudeami olis cealkán ahte áigot čielggadit sámiid ja earáid bivdinvuoigatvuođaid Finnmárkku rittus.

NSR lea maid hirpmástuvvon go lávdegotti eanetolohku ii áiggo sámiid guolástan­vuoigatvuođaid ja mearraresurssaid vuoigatvuođaid čielggadit rikkaidgaskasaš konvenšuvnnaid ektui, vaikko dat leage lávdegotti mandáhtas.

NSR bivdá ahte farggamusat čađahuvvo čielggadeapmi sámiid ja earáid vuoigatvuođaid birra, mariinna resurssaid, ja mearraareálaid geavaheami birra buot sámi mearraguovlluin.

NSR ovttasbargojoavku gáibida ahte čielggadeamis earret eará leat dát oasit:

·        guolástanvuoigatvuođat, mariinna resurssat, mearraarealaid geavaheapmi.

·        Mot mearraresurssaid hálddašeamis sámi beroštumiid vuhtii váldit.

·        earrevuoigatvuođaid sihkkarastit mearrasámeguovlluid sámi ja eará guolásteddjiide

·        mearraelliid (nu go mat njuorjuid) hálddašeapmi ja amas elliid (nu go mat gonagasreabbá) váldit fárrui dán bargui.

Čielggadus ferte leat vuođđut sierra láhkaárvalussii mas čilgejuvvojit: guolásteapmi, mearraresrssaid ja mearraguovllui geavaheapmi. Láhkaárvalus ferte maid čielggadit meara eamiálbmotvuođaguovllu.

Oktavuođaolmmoš:      NSR parlamentáralaš jođihangoddi, Geir Tommy Pedersen,

                                   915 43 995