Unjárga sámi searvi bovde olbmuid boahtit gullat professorguoktá Kirsti Strøm Bull ja Ivar Bjørklund. Sudnos lea máhttu dievva ja disdateahkede galledeaba Unjárgga suohkana. Sudnos dáidet buorit evttohusat suohkana politihkkáriidda ja álbmogii muđuid. Ja soai álggaheaba ságastallama daid resurssaid birra mat suohkanis juo leat. Olbmot ráŋŋásuohkaniin leat maid bures boahtin.

Seminárii leat bovden Kirsti Strøm Bull logaldallat vuotnaresurssaid ja vuoigatvuođaid birra guolástusas. Kirsti Strøm Bull lea riektediehtaga professor Norgga olmmošvuoigatvuođaguovddážis, Oslo universitehta Juridihka fakultehtas. Son dovdá bures Finnmárkolága danne go son lei vuoigatvuođalávdegotti lahttu. Semináras sáhttá maid jearrat Finnmárkolága birra. Son lea maid davviriikkalaš sámekonvenšuvdnabarggu čálli.

Sus lea fágalaš duogáš ja máhttá olu riektegažaldagaid birra sámi ealáhusain ja sámi servodagas. Dát sáhttá boahtit buorre ávkin Várjjatservodahkii.

Eandalit Unjárggii lea dát dehálaš go suohkan soaitá šaddat nuppiin suohkaniin oktii.

Ivar Bjørklund lea Romssa musea professor ja logaldallá semináras ”Máhttu ja resursageavaheapmi sámi vuonas”. Son lea ovdal dutkan Návuona suohkana, ja čállán dutkosa ”Sámi servodagas dáčča boaittobealbáikin” – nuppiin sániin ”mot ceavzit vuotnasuohkanis”.

Son lea maid sosialantropologiija analiissa dahkan golmma čeardda deaivvadeami birra; kveanat – sámit ja dáččat. Ivar Bjørklund lea geahčadan mot resursahálddašeapmi báikkálaš máhtu vuođul lea formálalaš stáhtalaš resursaregimaid ektui. Dát leat hui dehálaš fáttát Várjjagatboahtteáigái, ja eandalit Unjárgii. Ivar Bjørklund maid berošta boazodoalu kulturuvrralaš ja ekologalaš beliin, ja das mii lea geavvan go boazodoallu lea šaddan oassin Norgga stáhtaservodagas.

Kirsti Strøm Bull ja Ivar Bjørklund logaldallaba, ja dasto sáhttá jearrat gažaldagaid ja ságastallat daid fáttáid birra main olbmot beroštit. Allariektijustituarius Carsten

Smith várra maid oassálastá semináras.

Oktavuođaolmmoš:

Berit Ranveig Nilssen, Unjárgga sámi searvvi jođiheaddji

Giehtatelefuvdna: 901 28739

Prográmma:

Semináraš disdaga miessemánu 31. beaivvi dii. 18.00 – 21.00

Fáddá: ”Máhttu ja resursageavaheapmi Várjjagis”

Logaldallit: Kirsti Strøm Bull

                   Ivar Bjørklund

Prográmma:

Dii.18.00 Jođiheaddji rahpá semináraža

Dii.18.10  Vivi Pedersen doallá álggahansártni

Dii.18.15  ”Máhttu ja resursageavaheapmi sámi vuonas” Ivar Bjørklund bokte

Dii.18.45 – 19.00 Boddu

Dii.19.00  Vuotnaresurssat ja vuoigatvuođat guolásteapmái/ Finnmárkoláhka Kirsti Strøm Bull bokte

Dii. 19.35 Ságastallan– kommentárat ja gažaldagat.

Gáfestallan