Nominašunčoahkkin cealká preassadieđahusas ahte maŋŋel go Sámediggi heaittihii iežas fágaorgána, de leat sihke sámi duodji, dáidda, musihkka ja girjjálašvuohtá gillán. Dán oaivildit searvvit vuhttot erenoamážit ruhtajuolludemiin ja ahte Sámedikkis lea gelbbolašvuohta iežas kultuvrra surggiin hedjonan. 

Kulturdoaimmat meannuduvvojit soaittáhagas

- Ii leat dohkálaš ahte min kulturdoaimmat ain meannuduvvojit soaittahágas ja masa biddjojit menddo uhcán fágalaš ja ruđalaš resurssat, cealká nominašunčoahkkin. Sii oaivildit ahte  Sámediggi galggašii oččodit sámi servodahkii ásahusaid mas leat oktasaš guottuid vuođđojurdagat, dahje kultuvrralaš ovttamielalašvuođa mihttomearit ja mo daid galggašii juksat. 

Mearragátteguovlluide lasihit kulturressursaid

Searvvit čállet preassadieđáhusas ahte kulturdoaimmaide adnojit jierpmálaš plánat ja vuogádagat mat bihtet eanet virkkosmahttit fas sámi kultuvrra. -Sámediggi ferte eanet leat oidnosis sámi kulturovdánahttimis mearrgátteguovlluin go kultuvra lea dehálaš identitehtii ja gullevašvuhtii, cealká nominašunčoahkkin.

Porsáŋggu ja Davvenjárgga Sámiid Searvvit čujuhit ahte erenoamážit mearragátteguovlluin lea sápmelaččat kultuvrrálaččat gillán eanet go eará sámi guovlluin. Sii dáhttot ahte mearragátteguovlluide ferte dál lasihit kulturresurssaid ovdal go lea maŋŋit. - Mis lea odne hui buorre mokta ja beroštupmi ovddidit sámi identitehta min maŋisboahttiide, celket nominašunčoahkkima oasseváldit.

Máhcahit Sámi kulturáđi