Áltá lea historjálaš báiki sámepolitihka oktavuođas. NSRs 37. riikačoahkkin čalmmustahttii sámi vuoigatvuođaid ráhčámušaid máŋgga jagi badjel, ja čanai oktii vássán áiggi ja boahtte áigg. Dure Iŋggá Dure ja Ruth Rye Josefsen oaččuiga Riikkačoahkkima Gudnibálkášumi 2005 iežaska rahčamušaid ovddas Álttá-ákšuvnna áiggs, ja go leaba lokten sámevuođa árvvu ja váttis áiggis čuvgen sámevuođa..

Stuorra olahus

NSR jođiheaddji Aili Keskitalo dajai sárdnistis ahte Álttá-ášši lea ain stuorra olahus sámiid historjjás. - Dat lea maid dudjon muittuid miidjiide geat leimmet beare nuorat oasálasttit, muhto media ovdanbuktima - dahje geaidda lea muitaluvvan dan birra, dajai Keskitalo. -Ášši lea oassin min oktasaš historjjás ja lea min oktasaš muitu, deattuhii Aili Keskitalo

Guokte searas ja earenoamáš olbmo

Dure Iŋggá Dure ja Ruth Rye Josefsen ražaiga sakka Álttá ákšuvnna áigge. - Dát ressursaolbmo guovttus leaba bargan sámi vuoigatvuođaid ovddas sihke ovdal ja maŋŋel dán. Mii gudnejahttit guokte searas ja erenoamaš olbmo, maid sávvat ain bargat minguin ovttas, dajai Aili Keskitalo sárdnistis. -  Mii nuorat sámepolitihkkárat dárbbašit dutno neavvagiid ja dárbbašit dutno ovdagovvan, dajai Keskitalo.