- 10 milliuvdnasaš juolludeapmi sámegillii ja kultuvrii lea áibbas riekta, muhto lassáneapmi lea dattege menddo unnnán dárbbu ektui. Nu dadjá NSR jođiheaddji Aili Keskitalo kommentáras ráđđehusa stádabušeahta ektui.

Sámediggi lea ieš mearridan 2013 bušeahttadárbbu cealkámušas ahte lea dárbu lasihit 139 milliovnna ruvnnu 2012 stádabušeahta ektui. 2013 stádabušeahtas addo lassaneapmi 32 milliovnna Sámediggái.

- Eat mii sáhte lea duđavačča bušeahttalassánemiin mii lea sullii 100 milliovnna unnit go dárbu. Erenoamážit ii go diehtit ahte sullii 11 milliovnna manná gokčat bálká- ja dábálaš hadddegoargŋun, ja ahte máŋggat milliovnnat leat čatnon jo hálddahuslaš doaimmaide 2013 Sámedikkeválggaid ektui, joatká Keskitalo.

Sámedikke bušeahttadárbbus, mii lea sáddejuvvon departementii, boahtá ovdán ahte dušše beare giella- ja kulturdoaimmaide lea dárbu badjelaš 64 milliovnna ruvnnu.

– Dát stádabušeahtta ii atte Sámediggái vejolašvuođa vuoruhit stuorát ja deháleabbo prošeavttaid sámegillii ja kultuvrii, joatká Aili Keskitalo.

- Mo sáhttá Sámedikkepresideanta leat duđavaš 100 miiliovnna unnit lassánemiin go dan maid ieš oaivvilda lea dárbu, lea munnje sakka imaš, loahpaha opposišuvdnajođiheaddji.