- Sámi Giellagáldu ásaheamis leat mii sakka áŋgiruššan. Oktasaš sámi ovttasbargu lea NSRa váibmoášši, nuba bosihat dál iluin. Jus sámi ovttasbargu leai nohkat, livčče dát leamaš issoras stuorra maŋoslávki, ja stuorra heahtedilli, dadjá NSRa jođiheaddji Aili Keskitalo.
Keskitalo mieđiha ahte sáhttá leat garra rahčamuš rádjaovttasbargguiguin, muhto buori gulahallamiin sáhttá čoavdit eanaš hástalusaid.
– NSRas oaidnit mii boahttevuođas olu buriid ovttasbargguid. Oktasašsámi ovttasbarggu cegget ná bajás ovttain geđggiin ain hávil, ja formálalaš giellaovttasbarggu ásaheapmi lea oassi min višuvnnas das mii guoská oktasaš sámi servodateallimii, loahpaha duđavaš Keskitalo.
Kommenter denne artikkelen