Juho-Niillas, dahje Nils Jernsletten, bijai stuorra oasi iežas eallinagis sámeáššiide, sihke iežas politihkalaš ja organisatuvrralaš beroštemiin, ja su bargguin sámi giela ja kultuvrra ovddas sihke daguid ja akademiija bokte. 

Juho-Niillas lei máŋggaid jagiid miellahttun ja luohttámušolmmožin Romssa Sámiid Searvvis ja NSRas ja son lei sámediggeáirrasin ja joavkojođiheaddjin NSR ovddas Sámedikkis. Juho-Niillas lei maid miellahttu Sámi vuoigatvuođalávdegottis ja son lei Sámeráđi miellahtu, ja jođihii norgga bealde juhkosa máŋga jagi. 

Mii muittašat Juho-Niillasa giitevašvuođain ja árvvus atnimiin. Mii muittašat iluin ahte beasaimet leat searvvis addit sutnje Sámeráđi gudnebálkkašumi sámekonferánssas Avágis 2004s. 

Min jurdagat leat su eamida Láillá, su bearraša ja lagamuččaid luhtte.

Ráfi lehkos su muittuin.

----------

På norsk / darogilli