Stáhta geaidnolágádusa almmuhuvvon konsepta-lávedgottičielggadus lea čájehan ahte viiddis guovllut Evenáššis, Dielddanuoris ja Lodegiin gielddain leat meroštallon boazoguohtunguovlun. NSR diehtá dan ahte geainnu áigot hukset hui dehálaš boazoguohtuneatnamiidda mat gusket Iinnásullo orohahkii Ganasvuotna/Lulli-Iinná.

Sámedikkeáirras Ann-Mari Thomassen NSRas oaivvilda dát čoavddus fuolastuhttá. – Geaidnu botke dehálaš johtin- ja bálgangeainnu bohccuide Ganasvuotna/Lulli-Iinná orohagas. Nu guhká go boazodoallu lea leamaš guovllus de leat bohccot geavahan justa dán gaskka jođáhahkan sivas dan baskkes gutko/johtinsaji Guollevuona ja Ganasvuona, čilge Thomassen. Son njulgestaga ballá duođalaš váikkuhusain guovllu boazodollui: – Dát gáržžes johtinsaji geažil ii leat bohccuin eará báiki johtit go justa dakko gosa geainnu leat áigumin, ja dát sáhttá váikkuhit garrasit ja heittogit boazodollui.

NSR ovddida ihttin ođđa ášši Sámedikkis, gos sámedikkeráđđi bivdo váikkuhit áššis nu ahte válljejuvvo dat molssaeaktu mas lea unnimus váikkuhusat boazodollui. – Sámedikkis lea váikkuhanvejolašvuohta go sáhttet bivdit konsultašuvnnaid Stáhta geaidnolágádusain. Mii vuordit ahte ráđđi dál ávkkástallá dáinna vejolašvuođain cealkit čielgasit ahte boazodoallu galgá vuhtiiváldot, gáibida Thomassen.

----------

På norsk / darogilli