Viimmat leat oččon vuorrasiidráđi Sámediggái. – Mun lean ilus go Sámediggeráđđi lea nammadan vuorrasiidráđi mii sáhtta addit ráđiid Sámedikkeráđđái ja Sámedikki iežas máhtuin áššiid birra mat gusket sámi vuorrasiidda, dadja sámedikkeláhttu Ann-Mari Thomassen. NSRa Kjersti Myrnes Balto evttohiige ođđa áššiin sámedikke dievasčoahkkimis skábmamánus 2006as ásahit sámi vuorrasiid foruma. Sivvan lea go sámi vuorraset olbmuin lea viiddis ja dehálaš máhtolašvuohta ja sin ferte guldalit, earenoamážiid áššiin mat sidjiide gusket ja maiddái eará áššiin.

- Lea illudahtti go sámediggeráđđi lea vuhtiiváldán dán, dadja Thomassen. Ásaheapmi sihkkarastá ahte ovttasbargoforuma formaliserejuvvo vuorrasiid ja Sámedikke gaskka. Ásaheapmi ferte maid sihkkarastit ahte vuorrasat oččot duohta vejolašvuođa váikkuhit áššiid mas sii beroštit. Vuorrasiid ráđđi ferte oaččut konkrehta mandáhta mas lea cealkámušriekti vuorrasiidpolitihkka ektui, ovdamearkadihtte boarrásiidsiiddaid huksemiid sámi guovlluin ja sámi boarrasiidfuolaheapmi gávpogiin ja unnit báikkiin. Bargoviiddodat sáhtašii maiddái leat nugo doaibmat fágaráđđin Sámedikke vuorrasiiddoaimmaid ruhttajuolludeamiid oktavuođas.

- Mun lean maiddái hui duhtavaš vuorrasiidráđi áirasiid nammadeamin. Sámedikkeráđđi lea sihkárastan govda geográfalaš vuorrasiidráđi nammadeami, dadja sámedikkeláhttu Ann-Mari Thomassen gii maiddái NSRa ovddas sávva lihkku ođđa vuorrasiidráđđái.

 

Dás oainnat geat leat vuorrasiidráđis

Dás logat evttohusa maid NSR buvtti 2006as

-----------