-Mii leat duhtavažžat go NSRa buorit evttohusat váldojuvvojit Sámedikkeráđi bušeahttaevttohussii dadjá NSRa finansapolitihkalaš cealkámuš nisu Ann-Mari Thomassen. Earet eará leat mii máŋga bušeahttagieđahallamiin dán áigodagas sávvan ahte julevsámi mediafálaldat nuoraide NuorajdTV galgá vuoruhuvvot, ja dát čuočču evttohusas dál.

- Maiddái fálaldagat sámi boarrasiidda nugo lohkkan- ja čállinveahkki lea leamaš vuoruheapmi maid mii leat háliidan, ja leat dál duhtavažžat go dat lea sajis dadjá Thomassen.

- Mii oaidnit ahte sámedikkeráđđi evttoha ahte galgá čuohppat daid ortnegiin mat leat ohcanvuđot doarjagiid vuolde. Mii diehtit ahte olusat ohcet daid doarjagiid, ja leat leamaš eanet ohccamušat go lea bušeahttas várri. Go leat evttohan čuohppat 5,4 millijuvnnain šadda dat čuohzat aktiivvalaš servvodathuksejeddjiide sámi servvodagas ja sii leat geavaheaddjit. Mii leat kritihkkalažžat dasa, erenoamažiid dan dihte go leat digaštallamat politihkkarbálkkaid birra sámi servvodagas. Dalle šadda geahpadus bušeahttas čuohzat siviliaservvodaga iežaset álggahemiin mat gávdnojit, ja olbmuid mielas ii leat dát vuogas oaivvilda Thomassen.

- Mun illudan bušeahttagieđahallamiidda dadjá Thomassen gii lohka ahte lea loahpalaš ahte sámedikkebušeahtta šadda vel buoret gaskkaoapmi gokčat dárbbuid sámi servvodagas. – Mun oaivvildan ahte ferte garra politihkkalaš dáhttu ja vuoruheami dadjá Thomassen ja lohpida ahte NSR galgá leat mielde bidjat deattu doppe gos buoremus doaibma.