Sámedikkeáirras ja boazodoalli Sáltoduoddaris Olof Anders Kuhumunen evttohii ođđa ášši sámedikki dievasčoahkkimis čakčamánus 2011 johtilit álgit guhkidit boazogiddenáiddiid Sáltoduoddaris Nordlánddas. Dál lea NSR sádden reivve Jernbaneverkii ja Johtalusdepartamenttii gos jearrat goas meinejit álgit guhkidit boazogiddenáiddiid.

NSR sámedikkejoavku lea duhtavaš go “Jernbaneverket” lea boazogidedenáiddiid ceggen Sáltoduoddarii. Muhto váttisvuođat go bohccot vudjojit ii bissojuvvo áiddiin mii lea dušše 4 km guhki ruovdemáđi mielde Sáltoduoddaris. Bissehandihte bohccuid vudjomis ferte áidi guhkiduvvot vel 22 km davasguvlui Lønsdalenis gittá Rusanessii. Dán gaskal leat eanemus bohccot vudjon máŋŋemus dálvvi.

Lea dehálaš ahte boazogiddenáiddit guhkiduvvojit juo boahttevaš áigodaga. Plánen ferte dasto bidjot johtui dállánaga jus galgá šaddat mihkege dadja boazoeaiggat Kuhmunen Sáltovuobmi.

NSR sámediggejoavku diehtá ahte Jernebaneverket lea ožžon 60 millijuvvna ruvnno juolluduvvon Stádabušeahta bokte juste njeaiga-vuodjinváttisvuođaide. Dalle berrešit leat buorit vejolašvuođat oažžut politihkkalaš ulbmiliid vuolidit njeaiga-vuodjimiid Sáltoduoddaris.

NSR sámedikkeáirras gáibida ahte sámedikkeráđđi válda boazoroassu váttisvuođa duođas. Sámedikkeráđđi ferte gulahallatgoahtit Jernbaneverkain ja Johtalusdep ja gáibidit viiddiidit boazogiddenáiddiid. Boazodoallu Sáltoduoddaris leat massan ollu ekonomalažžat. Ášši lea mielddisbuktan gierddameahttun dili psykalažžat ja fysalažžat sihke boazodoalobirrasii Sáltoduoddaris muhto maiddái togabargiide ja togamátkkálažžaide.

Dáppe logat reivve  

---------

Oktavuođadieđut:

Olof Anders Kuhumene, mobil: 905 93 444

Sámedikkeáirras Viesttarmiera válgabire (4.áirras) 

-------

På norsk / Dárogillii