Mánát leat hearkit deaivvadeamis mánáidsuodjalusain ja veahkebálvalusain, dadja Silje Karine Muotka, Norgga Sámiid Riikasearvvi (NSR) sámedikkeáirras. – Sámi mánáin lea juohkehaččas sierra vuoigatvuohta doalahit sámegiela ja iežas sámi kultuvrra váikko fuolaheapmi lea molson dahje eará doaimmat mánáidsuodjalusa bealis, oaivvilda Muotka gii golggotmánu 18.-19.beaivve oassalastti Mánáidsuodjalankonferánsas Álttas.

Máhttu sámegielas ja kultuvrras lea dehalaš og sámi mánát dárbbašit biepmoruovttuid. Mánát ja nuorat sámi bearrašin leat hirbmat hearkit heahte- ja guhkkiid áigge eretorrumiin, danne go máhttu sámi mánáid ja nuoraid duogaš lea váilevaš, čilge Muotka.

Galggaše bidjat čielga njuolggadusaid dasa mii oaivvilduvvo sámi kulturmáhtuin, ja ahte lea vuđđolaš gelbbolašvuohta ja ipmárdus sámi servvodaga árvvuid ja norbmaid oppalaččat, ja daid erenoamas sámi báikkalášservvodagain. Dát guoská erenoamažiid go dohkkehit ja váldet átnui gearggusruovttuid, biepmoruovttuid ja institušuvnnaid.

Muotka bivdá Sámedikkeráđi vuoruhit sámi mánáidsuodjalus dili garraseabbo. – Buoret čálmmusteapmi sáhtta boahtit jus Sámediggi fuolaha ahte álggohuvvo ávžžuhandoaima mii háhka eanet sámi biepmoruovttuid, dadja Silje Karine Muotka gii maiddái jođiha Sámedikke bajasšaddan-, fuolahus-, ja oahpahuslávdegotti.

Oktavuođaolmmoš: Silje Karine Muotka, Norgga Sámiid Riikasearvvi  (NSR) Sámedikkeáirras, tel: 98487576

--------------

På norsk / Dárogillii