- Mii eat movtge dohkket ahte Ráđđehus bisseha Riddoguolastuslávdegotti evtohusa, dadja Aili Keskitalo, NSR jođiheaddji. - Mii áigut soabatkeahtta bargat geahččalandihte ášši iešguđetge kanálaid bokte.

Vánit eanetloguin Sámediggi mearridii dohkkehit Guolastusšiehtadusa gaskal Sámedikki ja Ráđđehusa. NSR lea váruhan makkár váikkuhusat sáhttet boahtit dakkár šiehtadusain. 

- Mii registreret ahte Egil Olli lea válljen oanehisáiggi čovdosa, buoretgo čohkket Sámedikki ovttas suodjalit mearrasámiid vuoigatvuođaid, loahpaha Keskitalo. - Bargiidbellodat Sámedikkis lea dohkkehan dan váikko lohket ahte lea heajos šiehtadus. Dál sii besset čájehit ollejit go Stuoradikkeeanetlohkkui sin duppaldieđuin. 

NSR háliida joatkit ovttasbargat eará organisašuvnnaiguin dohkkehandihte mearrasámiid vuoigatvuođaid, ja eatge hilggo ovttasbargu Sámedikke eanetloguin jus lea dárbu.

-Dát ášši čájeha ahte vuoigatvuođaáŋgiruššan lea áin guovddážis iige leat guđđon ášši, konstatere Aili Keskitalo. - Mii árvvoštallat makkár vuigiid galgat atnit loktendihte ášši gaskariikalaš orgánain. Go ášši galgá ovdánbuktojuvvot Stuoradikkis de bukta ođđa vejolašvuođa árvvoštallat Sámedikkeeanetlogu strategiija bohtosa.

---------------

På norsk / Dárogillii