- Sámediggi ii leat dingon makkárge čavga nuppastuhttima ruhttajuohkimis sámegiela hálddašanguovllu gielddaid gaskas, nugo Sámedikkeráđđi ja eanetlohkku dál orru láhčime, dadja Silje Muotka (NSR), Sámedikki bajásšaddan- fuolahus ja oahppolávdegotti jođiheaddji. – Sámedikkeráđi evttohus ráhkada eahpesihkkarvuođa daidda gielddaide geat leat geatnegahtten iezaset sámegiel geavaheaddjiid ektui. Komitea lea vásihan olu berošstumi dain gielddain geasa ášši guoskka, juoga mii čájeha ahte evttohus lea hejot siiguin gulahallojuvvon ja de šaddet buohkat gillat.

Sámediggi meannuda dán vahku duorasdaga ođđa merošstallanjuolggadusaid movt juohkit guovttegielalašvuođadoarjaga gielddaide geat gullet sámegiela hálddašanguovlui. Oktanagas dán rievdadusbargui leat maid konsultašuvnnat Sámelága rievdadeami ektui. Dat soaitta mielddisbuktit ahte sámegiela geavaheddjiid vuoigatvuođat rievdaduvvot. Seammas dieđihit stuora gávpotsuohkanat nugo Áltta ja Romssa ahte sii jurddašit searvat sámegiela hálddašanguovlui.

-Sámedikkeráđđi ii leat váldan vuhtii ahte soittet rievdadusat Sámelagas, dahje ahte ođđa suohkanat servet hálddašanguovlui, lasihaste Muotka. – Jus galgá rievdadit njuolggadusaid nu čavga go Bb dál evttoha, berret mii vuordit dan ođđa Sámelaga. Sámedikkeráđđi han ieš dieđiha ahte njuolggadusortnet galgá golmma jági geahčen árvvošstallajuvvot.

NSR oaivvilda ahte dat buori oasit Sámedikkeráđi evttohusas, nugo lassanaddon ulbmilstivrejupmi ja ovttasbargošiehtadusat gielddaiguin, sáhtta šaddat oassin dála ortnegii. Dát sáhtta dahkot nu ahte eankilgielddat eai oaččo heajubut dili go ovdalge.

- NSR oaidná maid ahte Sámedikkeráđđi ii oaččo doarjaga ollislaččat iežaset áirasiin, loahpaha Muotka. -  Eanetlogu áirasat komiteas buktet gilvaleaddji evttohusa. Dađibahabut ii dat ge evttohus láže gielddaide sihkkarvuođa boahtteáigai.

Gulahallanolmmoš:

Silje Muotka, tlf 98 48 75 76