Gilvu dáin válggain leamaš garraseappot go goassega ovdal, ja rievdaduvvon válgaortnet lea addán organisašuvdnii ođđa hástalusaid. Muhto NSR lea dattetge nákcen čoaggit ollu jienaid iežaset listui máŋga válgabires. Organisašuvdna áigu dál árvvoštallat válgabarggu ja válgabohtosiid, muhto vuosttaš beivviid aŋkke geavahit áiggi guorahallat lea go vejolaš ovttasbargoguimmiid gávdnat Sámedikkis.
Eanetlohku livččii buorre
- Giittán buohkaid geat leat jienastan NSR, ja dakko bokte čájehan ahte oskkildit min jođihit Sámedikki sámi servodahkii buorrin, cealká giitevaš Aili Keskitalo. – Áigumuš livččii dál šiehtadallamiid bokte oažžut NSRii eanetlogu ođđa Sámedikkis, cealká Aili.
Giitu buot veahki ovddas
Aili Keskitalo giitá organisašuvnna luohttevašvuođaolbmuid, miellahtuid ja earáid go leat bargan organisašuvnna ovddas válgagiččus. – Sihke listuevttohasat ja earát leat ollu bargan vai oaččuimet ná ollu jienaid ja áirasiid, rámida Aili.
Ođđa sámediggeáirasat
NSR ođđa sámediggejoavkkus leat 13 áirasa; Gunn-Britt Retter (Nuorta), Trond Are Anti (Nuorta), Aili Keskitalo (Ávjovárri), Mathis Nilsen Eira (Ávjovárri), Silje Karine Muotka (Davvi), Geir Tommy Pedersen (Gáisi), Randi A. Skum (Gáisi), Rolf Johansen (Gáisi), Ann-Mari Thomassen (Viestarmearra), Miriam Paulsen (Viestarmearra), Åge Nordkild (Viestarmearra), Jarle Jonassen (Lulli-Sámi) og Kirsti Guvsám (Lulli-Norga).
Váldde oktavuođa áirasiin
Dárogillii/på norsk
Kommenter denne artikkelen