Ii makkárge ovdáneapmi sámi guovlluin galgga dagahit dán ovdii dahje bistevaččat vahágahttit dahje goaridit luondduvalljodagaid máid sápmelaččat dárbbašit doaimmahit kultuvrraset ja árbevieruideaset.

Seammás fertejit sámiid beroštumit vuhtiiváldot buotlágan láhka- ja plánabargguin. Álgoálbmogat eai galgga duvdojuvvot eret iežaset guovlluin huksemiid dihte main lea birasbillisteaddji váikkuhus, ovdamearkka dihte olju-, gása- ja minerálaroggamat ja čáhcefápmohuksemat.

Sámedikkis áigu NSR bargat dan badjelii ahte:

• Sámediggi galgá leat birasdoardna mas lea iežas CO2-rehketdoallu
• biras ja dálkkádatgažaldagat galget doarvái bures vuhtiiváldojuvvot buot Sámedikki mearrádusain
• mii almmuhit dálkkádatrievdadusa váikkuhusaid riikkaidgaskasaš servodahkii
• sámi guovlluin dutkojuvvo eanet biras- ja dálkkádatgažaldagaid birra
• mii sápmelaččat galgat aktiivvalaččat mieđihit doaimmaid mat gáibidit areálameasamiid sámi guovlluin
• lea alimus dorvvolašvuohta oljo- ja gássadoaimma oktavuođas ja buorre gearggusvuohta áhpeguovlluin
• ekovuogádagat vákšojuvvojit dohkálaččat
• gáibiduvvojit biraslaš ja sosiála váikkuhusguorahallamat ealáhusdoaimmaid ektui
• ovdánahttojuvvojit bajitdási plánat bieggamillopárkkaid ektui sámi guovlluin
• birasberoštumit leat dehálaš vuođđun Finnmárkkuopmodaga strategiijain
• álgoálbmotstandárda sihkkarastojuvvo ođđa doaimmaid ásaheami oktavuođas, nugomat minerálabohkamiin ja oljo- gásabuvttadeamis
• buorre ja rievttes dieđut juhkkojuvvojit báikkiolbmuide gávdni birasmirkkuid birra
• doaimmahuvvo miellaávkkálaš bargu energiija geavaheami ektui.
• ekologalaš prinsihpat, báikkálaš árbevierut ja doloža rájes vierut leat vuođđun go luonddu geavahit
• suodjalanbarggut galget váikkuhit nannet sámiid geavahanvugiid ja vuoigatvuođaid.