Eanandoallu sámi guovlluin berre nannejuvvot ja NSR áigu boahtte válgaáigodaga čuovvolit Sámedikki eanandoallodieđáhusa. Mii áigut earret eará regionaliseret našunála eanandoallopolitihka vai sáhttit iskat ođđa modealla mii buorebut lea heivehuvvon sámi guovlluid hástalusaide ja luonddudilálašvuođaide.
NSR áigu nannet ja ovdánahttit eanandoalu sámi vuođđoealáhussan, ja eanandoalu buohtalasealáhussan eará vuođđoealáhusaiguin. Dán áigut e.e. dahkat go ovddidit árvalusaid guovddáš šiehtadallamiidda eanandoalus.
Sámedikkis áigu NSR bargat dan badjelii ahte:
- rekrutteren eanandollui sihkkarastojuvvo nu ahte eanet nuorat álget eanandoallin
- eanandoallu bisuhuvvo ja nannejuvvo báikegottiin, juogo áidnaealáhussan dahje buohtalasat eará ealáhusaiguin
- eanandoalu beroštumit vuhtiiváldojuvvojit boraspirehálddašeamis
- eanet deattuhit báikkálaš resurssaid geavaheami ja ávkkástallama, dákko bakte áŋgiruššan báikkálaš muohkadeami
- ekologalaš eanandoallu lasihuvvo.
- loktet doarjaga buktaga ovdáneapmái ja márkanastinbargui.