NSR áigu nannet ja ovdánahttit duoji ealáhussan, ja duoji buohtalasealáhussan eará ealáhusaiguin. NSR bargá loktet doarjaga buktaga ovdáneapmái ja márkanastinbargui. Muhto duodji lea maid kultuvra.
Duodješiehtadus galgá leat guovddáš reaidun duodjeealáhusa ovdánahttimis ja nu ahte duojáriid vuoruheamit ja mielmearrideapmi deattuhuvvo. NSR háliida viidáset ovdánahttit ja nannet šiehtadusa.
Sámedikkis áigu NSR bargat dan badjelii ahte:
- duodješiehtadusa ovdánahttit reaidun duodjeealáhusa nannemis
- NSR áigu bargat buoridit duodjebuktagiid gávpejođu.
- duodji dohkkehuvvo kulturguoddin ja dasa láhččet buori ovdánanvejolašvuođaid
- duodjemáhttu ja čehppodat oahpahuvvo ođđa duojáriidda
- ásahuvvojit eanet bagadallivirggit duojis
- láhččojuvvojit buori eavttut dudjomii, omd. duodjebájit ja dávvirat.