- Lea movttiidahtti ja mii leat dieđusge ilus go lea mannan bures. Lea leamaš ollu bargu, muhto mii leat oahppan ollu ja oaidnit maid sáhttá bargat earáládje nuppe háve, muitala NSR nuoraidčálli Káre-Elle Partapuoli.

Boahtteáigi jienasteaddjit

NSR berošta nuoraid ja bidjá návccaid searvat skuvlaválggaide. - Nuorat leat min boahtteáiggi jienasteaddjit, ja danne lea dehálaš ahte Sámedikki politihkka diváštallojuvvo skuvllain, cealká NSR nuoraidčálli Káre-Elle Partapuoli gii ieš maid lea searvan skuvlaválggaid ságastallamiidda.

Nuppes lágiduvvon

Mannan válggain (2005) lei NSR ovddimusas áŋgiruššamin ahte sámediggeválggat váldojuvvojit mielde skuvlaválggaide. Joatkkaskuvllat dieđihit háliidit go sii searvat válggaide, ja de lágiduvvojit panelaságastallamat ja jienasteamit skuvllas. Dán jagi lei sámediggeválga fárus nuppi geardde.

Válgadutkit dadjet skuvlaválggaid bures čájehit man guvlui manná válggas.

Skuvllaválggaid bohtosat leat almmuhuvvon Samfunnsveven interneahttasiddus.

NSR-nuoraid siidu

Dárogillii/på norsk