RSS-feed

Velg språk!

Jáhkkasaš čakčafeasta gártai sámi kultuvraguovddážin!
Lisbeth Somby
Dán jágaš sámi čakčafeasta maid Oslo sámiid searvi lágidii meinnestuvai hui bures. – Lean rámis go Oslo sámiid searvi lágida buoret ain buoret kultuvradoaluid gávpogis, dadja Lisbeth Somby.

Almmuhuvvon: 08.09.2009

Vuostaš geardde go lei bivttasčájahus, lei gáktečájahus 2005as Sámi Dálvefestivlas Oslos. Dalle lei nu gohčojuvvon gáktewalk/vázzin, gos čájehalaimet gávttiid iešguđetge guovlluin Sámis. Oslo sámiid searvvis leat miellahttut buot guovlluin sámis geat dalle čájahalle iežaset čáppa gávttiid. Dá lea dakkár arena gos sihke nuorat ja boarrasat suohttastallet, deivet oahppasiid ja nannejit iežaset identitehta ja iešdovddu.

Dán jagi besse ođđa sámi bivttashápmejeaddjiid čájehit iežaset dujiid. Anne Berit Anti lohkká Dáidda allaskuvvlas Oslos (Kunsthøgskolen). Oktain eará hápmejeddjin ráhkadedje earenoamaš čájalmasas mas lei ođđaráhkaduvvon sámi duodji. Mokta lei alimus go min presideantaevttohas Aili Keskitalo bođii lávdde nala ja lei rámis dego áhkku, nugo ieš čilgii.

Inka OS lea dovddusin go ráhkada ođđamállet gávttiid main leat šerres ivnnit ja sierralagan gákte dinggat nugo boahkanat, vuoddagat ja holbiit. Graveniid duodji čájehalai vuogas gođđojunbiktasiid, maid nubbi buolva bearašfitnodagas lea hábmen. Graveniid duodji lea guhka juo gođđan árbevirolas biktasiid, ja otne sáhtta buori muddui govčodit fashion desingan. Iljja Maggas ledje biktasat main lei nuorralágan hábmi.

- Lea dakkár grundariidda ja nuorra olbmuidde NSR hálida láhčit arenaid, gos besset čatnat oktavuođaid nuppi nuppiin ja eará berošdeddjin, go viisasiid boahtteáiggis lea dasa atnu, čilge Lisbeth ja joatka: - Deaivvadin dovddus Oslo hábmejeddjin gii lei boahtan geahččandihte makkár sámi hábmen máilbmi lea olggosoaidnit. Jáhkan dakkár deaivvdanbaikit veahkehit sin viidaset go lea vejolašvuohta vásáhusaid lonohallat ja oktasaš hástalusaid duostut. Ja doaivumis oččot inspirašuvnno gávpotsámiin geat mu mielas eai bala ja buktet ođđa jurdagiid. Goittotge lean ieš oččon ođđa jurdagiid movt gárvodit, mus lea nu lihkku ahte lea eatni mii lea duodječeahppi. Son goarru ja hutka ain ođđa vugiid mielde hervet ja hábmet gávtti. Jáhkan lea veaha balus ahte mii nuorra olbmot heitet geavaheames gávtti, danin lea ovddabealde ja ođasmahtte gávtti nu ahte min biktasat gal lea duodji mii ealla.


Miehta sámi ledje boahtan Oslo gávpogi gullandihte musihkka! -Beasaimet viimmat Orbina joavkkuin deaivvadit Oslo gávpogis, lohkka Lisbeth. Oslo sámiid searvi lea guhka hálidan ovdanbuktig sámi dološ joavkku. Dan musihkkajoavkkus leat olu musihkarat ja artistta boahtan. Sii ledje ođđaáigasaččat 80-logus, ja livčči doivon ahte leat boaresáigasaččat otne. Dat ii doala deaivasa Lisbetha mielas – Sii gal duođai hirbmahuhtte go čatne okti juoigandrotnega, Inga Juuso ja rap-musihkka maid Fred R. Ø. Buljo gii lei mielde "Norske talenter" tv-programmás buvttii. -Lei hirbmat buorre musihkka vásahus go iešgudetge musihkkašanjgerat bohtet oktii, čilge Lisbeth.


Dá lea NSR bargu: iešgudetge ealáhus- ja kulturbargit deaivvadit, besset čájehallat iežaset olggobeal daid árbevirolaš sámi báikiin! Lisbeth Somby oaivvilda ahte Oslo sámiid searvi nagoda hui bures oaččut sihke amatevrriid ja ámmatolbmuid seamma arenai!





Kommenter denne artikkelen   
NSR medias
Evttoha ásahit priváhtaskuvllaid
Presideanta lea vuollánan
NSR ovddida otne eahpeluohttamuša
NSR ii arvan árvalit eahppeluohttámuša...
Olli ferte čilget oaiviliiddis

 

Maŋimuš kommentárat artihkkalaiidda

NSRs historie
  • Bokep Online Fardad
  • På tide å oppdatere?
Berrejit ásahit studeantastipeandda
  • 55nl
Duhtavaš go sámegielstipeanda lea lassánan
  • cuhRbaCCgbGvKR
  • Tøffa govva!

Norgga Sámiid Riikkasearvi
Norske Samers Riksforbund

Poastboksa 173 - 9521 GUOVDAGEAIDNU
Tlf.: +47 78 48 69 55  * Fax: +47 78 48 69 88 *
nsr(a)nsr.no
Mobil: +47 988 50 273 - Org.nr: 971 481 463

Hápmen: Samipress Medietjenester
Siidovuogádat:
Interkodex A/S