- Mu mielas lea buorre go ealáhusat bidjet návccaid ođđa buktagiid hutkat ja ođđa buvttadanvugiid váldit atnui. Lea hui dehálaš Sámediggái doarjut ealáhusovdáneami báikkiin dego Fálesnuorri, cealká Silje Karine Muotka – Mii NSR:s diehttit ahte fitnodagain dego Askur AS lea stuorra mearkkašupmi, earret eará go árbevirolaš ealáhusat nu mo sihke eanandoallu ja guolásteapmi leat sakka njiedjan suohkanis.
Ođđa bargosajit
Lea Ann-Mari Thomassen (NSR) guhte jođiha Sámedikki doarjjastivrra. Son rámiida Askur AS geat leat oččodan lagabui 20 ođđa bargosajiid. – Sis lea miellagiddevaš fitnodatjurddašeapmi, go ráhkadit goikeguollebuktagiid ollásit Norggas. Dat ii leat dábálaš. Mus lea jáhkku fitnodahkii ja lean ilus go Sámedikki doarjjastivra beasai leat mielde doarjumin fitnodaga, dadjá Thomassen.
240.000 ruvnnu
- Askur AS ráhkada earret eará goikeguolleherskuid ja sii leat dehálaš oassin suohkanis gos lea dárbu bargosajiide, oaivvilda Muotka. – Sii ožžo 240.000 ru. doarjaga mainna earret eará áigot iskat lea go vejolaš ráhkadit ođđa mearrabiebmobuktagiid ođđa vugiiguin.
Gulahallanolbmot:
1. evttohas NSR ovddas Davviguovllu válgabiires, Silje Karine Muotka, mob. 984 87 576.
Sámedikki doarjjastivrra jođiheaddji, Ann Mari Thomassen, mob. 900 57 123.
Kommenter denne artikkelen