RSS-feed

Velg språk!

NSR oažžu eanemus doarjaga!
Presideantaevttohas Aili Keskitalo (NSR) lea hirbmat duhtavaš ođđa loguiguin.
Varas oaiviliskkadeamis maid NRK Sámi Radio lea čađahan, oažžu NSR dál eanemus doarjaga sámediggeválggain. – Hirbmat movttidahtti, dadjá presideantaevttohas Aili Keskitalo duhtavaččat. Dál eai leat go váile guokte váhku vel válggaide.

Almmuhuvvon: 03.09.2009

NSR lea dán oaiviliskkadeami mielde ovdánan 5,3 % ovddit iskkadeami ektui mii lei geassemánus, ja NSR oažžu dál 28,8 % doarjaga. Dál lea ge NSR vuosttaš geardde guhkes áigái stuorát go váldogilvaleaddji Bargiidbellodat, gii ii oaččo go 27,4 % doarjaga.

Mii áigut ain gállit luotta

- Doaivvun dát oaiviliskkadeapmi movttiidahttá olles organisašuvnna. Dat čájeha ahte mii leat rivttes luotta alde, ja ahte jienasteddjiin lea jáhkku ahte mii dat buoremusat jođihivččiimet Sámedikki. NSR leamašan njunnošis sámepolitihkas badjelaš 40 jagi, ja dainna mii áiggošeimmet joatkit, deattuha presideantaevttohas Aili Keskitalo.

Du jietna sáhttá mearridit!

- Dál lea min bargu oažžut buot dáid olbmuid maiddái duohtavuođas jienastit min válgabeaivvi. Leat ain guokte váhku válggaide, ja lea ain olu bargu báhccán. Muitet ahte leat hui uhccán jienat mat earuhit sámediggeválggain, nu ahte juohke okta jietna lea dehálaš, ávžžuha Aili.


Háliidat go diehttit eanet min politihka birra? Loga min válgaprográmma!

Geahča presideantaevttohasa Aili Keskitalo Youtube:s

Oaiviliskkadeapmi NRK Sámi Radios



Kommenter denne artikkelen   
NSR medias
Evttoha ásahit priváhtaskuvllaid
Presideanta lea vuollánan
NSR ovddida otne eahpeluohttamuša
NSR ii arvan árvalit eahppeluohttámuša...
Olli ferte čilget oaiviliiddis

 

Maŋimuš kommentárat artihkkalaiidda

NSRs historie
  • Bokep Online Fardad
  • På tide å oppdatere?
Berrejit ásahit studeantastipeandda
  • 55nl
Duhtavaš go sámegielstipeanda lea lassánan
  • cuhRbaCCgbGvKR
  • Tøffa govva!

Norgga Sámiid Riikkasearvi
Norske Samers Riksforbund

Poastboksa 173 - 9521 GUOVDAGEAIDNU
Tlf.: +47 78 48 69 55  * Fax: +47 78 48 69 88 *
nsr(a)nsr.no
Mobil: +47 988 50 273 - Org.nr: 971 481 463

Hápmen: Samipress Medietjenester
Siidovuogádat:
Interkodex A/S