Go leat guhkes gaskat ja dan mađe ollu guolit ja bivdofuđđot, de atno eanet go lávka sealggis fidnendihti sálaša ruoktut.
– Mun áiggun bargat dan ovdii ahte mohtorjohtolatlága rievdaduvvo vai šaddá álkit ávkkástallat luondduriggodagaid mat leat láhkosis, maiddá gávppálaš oktavuođain, dadjá Klemet. Viežžat biepmu luonddus gullá dasalassin dasa ahte fuola atnit nuppis. – Mun lean bajásšaddan dainna vieruin ahte addá guoli dahje bierggu bearrašii ja fulkkiide. Dat nanne bearraša gaskavuođaid ja oktavuođa buolvvaid gaskkas, oaivvilda son.
Daga nu go NAV
Vaikke Klemet lea nuorra, de lea su guhkes politihkalaš hárjáneapmi. Vuosttaš geardde go lei Sámedikkis de lei son 24 jagi ja lea bargan ollu áššiid ovddas mat su mielas leat dehálaččat. Báikkálaš politihkkárin lea son geavahan iežas politihkalaš deattu gitta stádaministara rádjai oažžundihti sámegiela NAV’ii. – Dál gávdnojit skovit, gihppagat ja interneahttasiiddut sámegillii, ja fargga rahppojuvvo sierra riikkaviidosaš guovddáš sámegielat kundariidda. – Eará stádalaš orgánat mat rahčet addimis buori giellafálaldaga galggašit dáhkat nu go NAV lea dáhkan, dadjá Klemet.
Gii lea Klemet Erland Hætta?
Riegádan: Mázes 1973s.
Bajásšaddan: Mázes, orru dál Guovdageainnus.
Siviilaseahtu: Ii leat náitalan, sus lea okta bárdni.
Sámesearvi: Máze Sámi searvi. Ovdalis NSR –jođiheaddji.
Válljejuvvon Sámediggái: Áirras 2005-2009, ovdal 1. várrelahttu 2 áigodaga.
Virgi: Guovdageainnu sátnejođiheaddji Sámeálbmot bellodaga ovddas 2003 rájes.
Duogáš: Direktevra Sis-Finnmárkku studeanta ovttastusas, ráđđeaddi AETATas, oahpaheaddji Máze skuvllas ja sirdobargi. Álmmolaš ekonomiija ja hálddášeami oahpahus. Spábbačiekčan jođiheaddjikurša, bivdooahppu, nuohtebivdinkurša, dihtorkoarta, dolgevuoggaoaggun ja iešguđetge ekonomiija ja jođiheami kuršat.
Eará beroštumit: Ealgabivdu, guolásteapmi, olgoáibmodoaimmat ja spábbačiekčan. Miellahttuvuođat: Guovdageainnu ealgabivdiidsearvi, Norges jeger- og fiskeforbund, Máze báhččiid searvi, Rukses Ruossa, Máze gilisearvi, Norges Handikappforbund, Máze valáštallansearvi ja Solglimt.
Loga eanet NSR politihka birra min válgaprográmmas
Geahča Klemet Erlanda YouTube:s
Čuovo Klemet Erland Hætta blogga
Eanet govat Klemet Erland Hættas
Kommenter denne artikkelen