- Dat mii geasuha mu dáid várremátkiin lea ahte ferten rahčat olahandihte mihttu. – Geavahit rupmaša lea vuogas vuohki bissut buori vuoimmis. –Seamma lea politihkain, lea dego niehku olahit politihkkálaš mihttu go lean geavahan veahá fámuid ja leamaš sávri, dadjá son.
Sápmi lea juhkkojuvvon
Okta dain deháleamos áššiin boahtte áigodagas šaddá sámi vuoigatvuođat eatnamiidda ja čáziide olggobealde Finnmárkku. –Ledjen ieš mielde bargamin Finnmárkkulágain ja dat lea eahppitkeahttá nannen sámi vuoigatvuođaid. –Váttisvuohta lea ahte dat juohkká Sámi Finnmárkku filkkaráji buohta, dadjá Rolf. Mearresápmelaččaide davvi-Romssas lea dehálaš oažžut vuoigatvuođaid sámegiela hálddašanguovllu siskkobealde. –Nu go dál lea, de leat seamma njuolggadusat munnje go muhtin turistii gii boahtá Sarpsborgas. –Justa dat lea aibbas boastut go mearrasápmelaččat leat ávkkástallan dáid guovlluid buolvvas bulvii, dadjá Rolf Johansen.
Gii lea Rolf Arthur Johansen?
Riegádan: 15.09.1954 Gáivuonas.
Bajásšaddan: Ivggus.
Siviilaseahtu: Náitalan, leat 4 máná ja 4 áddjuba.
Sámesearvi: Miellahttu Gáivuona NSR.
Válljejuvvon Sámediggái: 1. Várrelahttu Sámedikkis 1993-2001.
Virgi: Oahpaheaddji.
Duogáš: Oahpaheaddjioahppu, lasseoahppu lášmmohallamis, servodatfágas, IKTas, spesiálapedagogihkas, oahpisteami ja ovdánahttinbargguin ja sámi kulturfágas. Lea bargan oahpaheaddjin, vuođđoskuvllarektorin, nubbinjođiheaddjin gieldda bajásšaddanossodagas, skuvllahoavdan, ossodatjođiheaddjin rávisolbmooahppus ja dearvvašvuođa- ja sosiálahoavdan.
Eará beroštumit: Olgoáibmodoaimmat, čuoigat várrečohkaide, bivdo ja guolásteapmi, ávkkástallat luonddu ja ealgabivdu. Jođiheaddji Ivggu báhččinsearvvis máŋga jagi, ja guovlluhoavda Ivggu/davvi-romssa ruovttusuodjalusas 11 jagi. Lea dá Ivggu suohkanstivrras Kristtalaš álbmotbellodaga ovddas, lea leamaš várrelahttu filkkadiggái ja stivrralahttu Romssa Kristtalas álbmotbellodagas 6 jagi.
Loga eanet NSR politihka birra min válgaprográmmas
12 čuoggá Gáissi válgabirii
Geahča Rolf Johansena videoa YouTube:s
Eanet govat Rolf Johansenis
Dárogillii/på norsk
Kommenter denne artikkelen