Ájluovta skåvlån Divtasvuonan válljiji lagábuj 50 prosenta oahppijs julevsámegiela åhpadusáv, juoga mij hármmat buorren aneduvvá. Dá li máná æjgádijs gudi ietja binnáv sámegielas máhtti, jali e åvvånis sámegielav máhte dárojduhttempolitihka sivás 60- ja 70 jage sinna. NSR-politihkkár Miriam Paulsen, le iesj Divtasvuonas, ja dáv asjmev váset. – Moattes æjgádijs le dármedibmen ja ájádalli mánájt sámegiela åhpadusás ierit válldet. Sijájn sjaddi gássjelisvuoda gå e mánájdisá skåvllåbargoj viehkedit máhte, ja e máhte tjuovvolit majt máná skåvlån dahki.
Alep dáse ulme
Moarmesmáno åvddånbuvtij ráddidus ietjas doajmmaplánav sáme gielajda. Akta ulmme le nannit gielav ållessjattukåhpadusá baktu. Paulsen oajvvat friddjaoasstemav. Hæhttup oadtjot giellaprográmmav sadjásis gånnå ållessjattuk sáme virgestisá guhkep ájggáj mávseduvvi. Dási máhttá aj sámeálmmuga foannda aneduvvat, javllá Paulsen. Sáme giellamáhtudagás le dárbbo moatten virggesuorgen.
Kursajt garvvet
Dát nuorra politihkkár sihtá ållessjattugijt skåvllit. Ij val kursajt.- Midja lip åvddåla kursajt doarjjum, valla moattes e máhte návti vuorodit. Dássta le økonomijas sáhka. Jus ållessjattuk sáme oadtju låhkåt biejvijt guhkep ájggáj sjaddá álkkep sámegielav vuorodit. De ham máná bessi masset ájnas sámegiela åhpadusáv. Dåssju dan diehti gå æjgáda e mánájdisá dádjada.
Gut la Miriam Paulsen?
Riegádam: Bådådjon 08.08.80
Bajássjaddam: Ájluovtan Divtasvuonan, dálla manet bargguj Bådådjon.
Sivijladille: Vállduk, ja sujna ælla máná
Sámesiebrre: Sálto sámesiebre jådediddje
Sámediggáj válljidum: Sámedikkeájrrasin 2005 rájes
Virgge: Skihppijsujttár skihppijvieson Bådådjon
Duogásj: Viehkkesujttár, ambulánssabargge, varresvuodatjálle ja dievnastiddje. Medisijnalasj vuodokurssa ambulánssabarggijda ja suodjalimteknihka kurssa ambulánssabarggijda, sámegiela njálmálasj kurssa. Bachelora skihppijsujttáråhpadusás.
Ietjá berustime: Væjddo, bállotjiektjam, sabegij tjuojggat ja syhkaldibme. Doajmmasiebrre Julevsáme sebrulasj.
Lågå ienep NSRa politihka birra mijá prográmman
Getja gåvåjt Miriamis Youtube-an
Dánna gavnnuji aj gåvå Miriamis
Kommenter denne artikkelen