Dïhte 59 jaepien båeries NSR-politihkere almetjeskuvlem jïh maadthskuvlem voessen sisnie åtna, bene 20 jaepieh Saemiedigkesne dam voessem lievliedamme. Nuekies løøvles guktie maahta maam- akt jollebe øøhpehtimmien bïjre ussjedidh.- Dïhte haesteme lea ajve maadthskuvle dïhte mij aktem staeries  åarjelsaemien faaleldahkem åtna, Jonassen jeahta. – Ij leah jåarhkeskuvlesne dan vihties, jïh jollebe daltesisnie sagki nåakebe, dïhte maehteles politihkere jeahta.

- Daerpies dam gïelem lutnjedh, jïh barkoeh jïh almetjh dåårrehtidh guktie aelhkebe sjædta åarjelsaemien lïeredh jåarhkeskuvlesne, jïh dan diehre aaj jollebe øøhpehtimmiem buektietidh regijovnesne. Ij leah naan eevre vihties låhkoe, bene aervede daan biejjien medtie 2000 åarjelsaemieh Nøørjesne jïh Sveerjesne. Dan åvteste Jonassen sæjhta loksese vïjlelidh. Raasten rastah.- Jis edtja aktem vihties låhkoem lohkijh jaksedh, tjuara laanteraasti rastah vuejnedh, jeahta. – Akte laavenjostoe Upmejen Universitetine jïh Universitetine Tråantesne lea gieltegs.

Vihkeles dåårrehtimmine

Dïhte åarjemes smaarege åarjelsaemien gïeleste lea dïhte Røørosen-smaarege. Daennie dajvesne Jonassen byjjenamme jïh viesehtamme gåmmine jïh golme geerve maanajgujmie. Praahkesne, Røørosen tjïeltesne, Gåebrien sïjtesne. Dennie åarjelsaemien dajvesne lea daelie gøøkte saemieskuvlh, akte Aarbortesne Nordlaantesne jïh akte Snåasesne Noerhte-Trøøndelaagesne. Jollebe daltesisnie dïhte støøremes dåeriesmoere.- Mijjen såemies maahtoe, bene ij nuekies. Dihte dovne lohkehtæjjaj jïh øøhpehtimmien bïjre. Såemies  amma gåhkese vuelkieh edtja jollebe øøhpehtimmiem vaeltedh, bene gïele lea hiejjies. Dan åvteste tjuara sjiehteladtedh åarjelsaemien øøhpehtæmman lïhkebisnie. Dovne nøørjen jïh sveerjen lohkijh leah universitetesne Upmejisnie vaadtseme.

Maaksoe

Saemiedigkie lea åejvieladtjide haesteme jollebe øøhpehtæmman sjiehteladtedh åarjelsaemien gïelen sisjnelen sjïere vierhtiejgujmie. Jïh Jonassen sæjhta staate edtja vååjnesasse båetedh.                          

–Åarjelsaemien jïh luvlesaemien teehpieh dennie gaahtjedimmesne nøørjen jïh jeatjaj faagi muhteste, mejstie jienebem dienesje, dan guhkie krievemem  beaja jijtjemaaksose. – Daerpies råajvarimmiejgujmie båetedh guktie universiteth, jïh jolleskuvlh, eah veeljh saemiengïelem laahpehtidh nåake øøkonomijen gaavhtan. Ij maehtieh naemhtie årrodh doh øøhpehtimmieinstitusjovnh edtjieh vierhtiej mietie syøkedh. Jis edtja aktem øørnegem årrodh jollebe øøhpehtimmine åarjelsaemien gïelesne, doh byøgkeles åejvieladtjh tjuerieh meatan sjïdtedh, Jonassen orrije.