Dåppe lij suv birrusin sáme giella ja kultuvrra. Ájnas giese nuorra sáme politihkkárij. Ájrrasin Oarjje-Vuona válggabijras, poasstasajenis unna Bud sajenis Nuortta-Vestlándan, le sån oalle aktu allasis. – Danen le giella ájnnasamos hásstalusájs oarjján ietjá sáme guovloj gáktuj, tjuottjot Guvsám.

Valla dibdestip dáv ájn unnánasj. Vuostak dal ájn sáme bajássjaddam dilij birra, ja kultuvra. Vuona Sámij Rijkasiebrre le ierit ietján politihkkan ja ulmmen dav vaj gájkka sáme mánájn galggi liehket sáme mánájgárddesajijda rievtesvuoda. Náv ij la dálásj dilen.

– Sidáv sáme mánájn, vájku gånnå rijkan, galggi bajássjaddat sáme birrusin, ietjasa gielajn ja kultuvrajn åhpadusán. Mánájgárde le ájnas åhpadus- ja kultuvrrasaje, valla e dåjma nav gåktu galggi, javllá sån. – Ållo sáme mánájs vádnuni sáme fálaldagájt mánájgárdijn, ja sæmmi ållo æjgádijs e diede ietjas rievtesvuodaj birra. Ierit ietján hæhttup joarkket sábmáj subttsasij låhkåm fálaldagájn sáme mánájgárden Oslon. Mij le ájnas vájkkudimnævvo bisodittjat kultuvrav, árbbedábijt ja gielav, tsuojggit sån.

Boarrása ja nuora

Iesj le oassálasstám giellalávggomijn Divtasvuonan mij le sunji stuorra ávkken læhkám. Duojev, gielav, luonndoiellemav, ja sáme málestimdábijt le oahppam, Nuortta-Vuonan, diedon. Oarjján li hásstalusá stuorábu.

– Åhtsålav boarrásijda institusjåvnåv Oslon sáme máhtudagájn sámij hárráj. Dájna hæhttu VSRa barggat, javllá Guvsám. Giellaguovdásj Oslon lij liehket buorre álggon. Giellalávggoma mánájda ja nuorajda, gånnå máná sámástit hæhttuji, Sámedikkes dårjajn. Máhttep aj nuorajfåndav ásadit. Sáme nuora vierttiji máhttet åhtsåt doarjjagijt dåjmajda ietjasa lahkabirrusijn ja vásstádusájt ruvva oadtjot. Dát gal jáhkáv le buorren sadjásis oadtjot.

Åvdåsvásstádusáv válldet

Sebrudakberustiddje æjgáda dahkin nav vaj Kirsti Guvsám oattjoj liehket ålov nuorttan sáme guovlon. Sihtá má dav majt Divtasvuonan vásedij aj oarjján vásedit.

– Jáhkáv sáhka le dassta oadtjot giellaaddnijt dáppe aj, ja hæhttup ájádallat goappátjijt juohkusav. Sijáv gudi sámásti, valla e gielav dåjmalattjat ane, ja sijáv gudi gielav e åvvånis ane. Sidáv barggat buoredittjat suohkanijn guládallamav buorep sáme fálaldagáj hárráj mánájda vuodo- ja joarkkaskåvlåjn. Máhttep ásadit kursajt sámegiela jårggålimij, ja giellalávggomijt ásadit oarjján. Sámedikke dahkamussan le dilijt láhtjet, valla mij ietja hæhttup aj åvdåsvásstádusáv válldet.