Borgemánu 9. beaivi lea ONa riikkaidgaskasaš eamitálbmotbeaivi. Eamitálbmotbeaivvi mearridii ONa váldočoahkkima juovlamánu 23. beaivvi 1994is. Beaivi čálmmustahttá ahte ON eamitálbmot bargojoavkku vuosttaš čoahkkin lei 1982. Bargojoavku lei oassi ON olmmošvuoigatvuođabarggus.

- Eamitálbmotbeaivi lea beaivi mas oktiigullevašvuohta ja oktavuođadovdu lea dehálaš. Fertet muitit ahte eanaš eamitálbmogat ellet váttis dilis. Vaikke maŋimuš jagiid leat eamiálbmogiid vuoigatvuođat riikkaidgaskasaš dásis ovdánan olu, de lea ain olu bargu báhcán.

- Eamiálbmogiid vuoigatvuohta iešmearrideapmái lea álo leamašan váttis fáddán stáhtaide. Dat lea mielddisbuktán politihkalaš proseassaid mat leat ádjánan logiid jagiid. Ovddamearkka dihtii ádjánedje barggut ja šiehtadallamat eamiálbmotjulggaštusain badjel 20 jagi. Seamma guoská politihkalaš prosessii oažžut dohkkehuvvot sámit vuoigatvuođaid Norggas. Lea guhkes ja váttis proseassat mat addet buoremus ja dehálaččamus bohtosiid.

- Lea dehálaš muitit dan odne, cealká presideantaevttohas Aili Keskitalo (NSR).