RSS-feed

Velg språk!

Mearrasámit gártet turistan iežaset guovlluin
Gunn-Britt Retter (NSR/SáB)
Norgga Sámiid Riikkasearvi (NSR) garrasit vuosttilda konsešuvdnaortnega mearraluosabivddus. – Mearraluosabivdái gánnáha baicce leat turistan iežas guovllus ja sávvat ahte gii nu árvvašii fas álgit mearraluosabivdduin dego turistaseaktin.

Almmuhuvvon: 15.07.2009

Dát lea boađus jus luonddugáhtten direktoráhta oažžu miela mielde go sii leat árvalan konsešuvdnaortnega mearraluosabivddus.

Muittuha Ovddádusbellodaga

- Dát gal eanet muittuha Ovddádusbellodaga sámepolitihka go jierpmálaš hálddašeapmi mearraluosabivddu ektui. Sii háliidit čájehit sámi kultuvrra, muhto ii galgga gávdnot ealáhusvuođđu doalahit árbevirolaš ealáhusaid ja eallinvugiid, dadjá Gunn-Britt Retter, guhte lea 1. evttohas sámediggeválggain Nuortaguovllu válgabiires.

Ii buvtte dietnasa

Konsešuvdnaortnet mielddisbuktá ahte ferte ohcat lobi eiseválddiin jođihit ekonomalaš doaimma. Mearraluosabivdiide mielddisbuktá dat vuosttažettiin ahte ferte stáhtas oažžut lobi jus áigu joatkit árbevirolaš ealáhusain. Dasto dat eaktuda ekonomalaš badjebáhcaga. Mearraluosabivdit han ieža dál juo muitalit ahte otná čavga reguleremat guolásteamis eai báljo buvttege dietnasa.

Ferte baicce eavttuid buoridit

Norgga Sámiid Riikkasearvi (NSR) garrasit vuosttilda konsešuvdnaortnega mearraluosabivddus. Mii baicce oaidnit dárbbu buoridit rámmaeavttuid árbevirolaš mearraluosabivddus. Bivdináiggit fertejit guhkiduvvot otná njuolggadusaid ektui ja ferte leat lohpi geavahit eanet reaidduid go dál. Seammás ferte álggahit doaimmaid nu ahte eambbosat álggášedje mearraluosabivdin nu ahte dát dehálaš mearrasámi ealáhus sáhttá joatkit maiddái boahtteáiggis.





Kommenter denne artikkelen   
NSR medias
Evttoha ásahit priváhtaskuvllaid
Presideanta lea vuollánan
NSR ovddida otne eahpeluohttamuša
NSR ii arvan árvalit eahppeluohttámuša...
Olli ferte čilget oaiviliiddis

 

Maŋimuš kommentárat artihkkalaiidda

NSRs historie
  • Bokep Online Fardad
  • På tide å oppdatere?
Berrejit ásahit studeantastipeandda
  • 55nl
Duhtavaš go sámegielstipeanda lea lassánan
  • cuhRbaCCgbGvKR
  • Tøffa govva!

Norgga Sámiid Riikkasearvi
Norske Samers Riksforbund

Poastboksa 173 - 9521 GUOVDAGEAIDNU
Tlf.: +47 78 48 69 55  * Fax: +47 78 48 69 88 *
nsr(a)nsr.no
Mobil: +47 988 50 273 - Org.nr: 971 481 463

Hápmen: Samipress Medietjenester
Siidovuogádat:
Interkodex A/S