Ann-Mari Thomassen (NSR) jođiha Sámedikki doarjjastivrra mii dál lea dorjon 17 ođđa sámi CD-skearruid.

• 150 000 ru - CD: Mánáidlávlagat, Guovdageainnu Kulturskuvla, Guovdageaidnu
• 100 000 ru - CD: Lars Ante Kuhmunen, Iđut AS, Ikkaldas
• 135 000 ru - CD: Anja Storelv, Rieban Bernt Mikkel Haglund, Guovdageaidnu
• 110 000 ru - CD: Mánáidlávlagat, Elle Marja Eira, Kárášjohka
• 175 000 ru - CD: Ann Mari Andersen, Ann Mari Andersen, Guovdageaidnu
• 150 000 ru - CD: Boŋggu Ante, Anders P Bongo, Guovdageaidnu
• 110 000 ru - CD: Inga Juuso, DAT AS, Guovdageaidnu
• 66 000 ru - CD: Girkokonsearta, DAT AS, Guovdageaidnu
• 35 000 ru - CD: Biret Alette Mienna, Etnalaš musihkkaklubba, Kongsberg
• 130 000 ru - CD: Eva Jeanette Iversen, Eva Jeanette Iversen, Guovdageaidnu
• 200 000 ru - CD: Máttasámi lávlagat, Charlotta Kappfjell, Grane
• 140 000 ru - CD: Ođđaáigásaš musihkka, John Henrik Mienna, Hesseng
• 80 000 ru - CD: Juoigan, Kirsten Marit Olsen, Guovdageaidnu
• 79 000 ru - CD: Anne Biret Peltopæra, Skádja Plateselskap, Kárášjohka
• 180 000 ru - CD: Máret Hildur Stueng, Skádja Plateselskap, Kárášjohka
• 80 000 ru - CD: Laara Stinnerbom, Laara Stinnerbom, Oslo
• 130 000 ru - CD: SlinCraze, Nils Rune Utsi, Máze

Dát šaddá 2 050 000 ruvnnu oktiibuot. – Buohtastahttin dihtii sáhtán muitalit ahte ledje boahtán ohcamušat olles 5,3 milliuvnna ruvnnu ovddas, nu ahte mu mielas gal mii leat várren menddo unnán ruđa musihkkii, dadjá Ann-Mari Thomassen (NSR) guhte jođiha Sámedikki doarjjastivrra.

Doarjjaortnegat sámi kultuvrii

Sámedikki doarjjastivra juohká dán jagi 77 milliuvnna ruvnnu sámi kulturdoaimmaide. Dát guoská sihke sámi kulturviesuide, festiválaide, valáštallamii, teáhterii, almmuhemiide, girjebussiide, vuorkádávviriidda, girjjálašvuhtii, musihkkii, kulturdoaimmaide mánáide ja nuoraide, lágádusaide jnv.

NSRa válgaprográmmas 2009-2013:

Sámi musihkka ja juoigan leat guovddáš sámi kulturilbmaneamit. Musihkka njeaidá rájáid ja ásaha oktavuođaid gaskal kultuvrraid ja olmmoščearddaid. Lea dehálaš lágidit musihkkii ja luohtái buori ovdánanvejolašvuođaid.

Sámedikkis áigu NSR bargat dan badjelii ahte:

• dahkkivuoigatvuohta luođi ektui sihkkarastojuvvo
• eanet áŋgiruššat ovdánahttit ođđaáigásaš ja árbevirolaš sámi musihka ja luođi
• doarjjaortnet almmuhit sámi musihka ja ođđa musihkalaš ovdanbuktivugiide buoriduvvo
• sámi musihkkariidda láhččojuvvo stuorit vejolašvuohta gaskkustit sámi musihka ja luođi , sihke našunalalaččat ja riikkaidgaskasaččat