NSRa njunošolbmot – dat áirasat geaid NSR rehkenastá beassat Sámediggái čavčča rájes, bargit ja eará guovddášolbmot – leat dáid beivviid čoahkkanan válgaseminárii Romssas. Dáppe sii galget ságastallat NSRa politihkalaš rehketdoalu birra, válgaprográmma ja daid áššiid mat galget leat guovddážis boahtte válgaáigodagas ja makkár strategiijat NSRs galgá leat beassat ruovttoluotta njunnošii Sámedikkis čakčat.

- Lean vuollegaš jienasteddjiid ektui

- Mus lea buorre doaivva válggaid ektui, muhto lean vuollegaš dan ektui ahte mii dál fertet čielgasit čájehit jienasteddjiide ahte mii ain ánssášat sin luohttámuša. NSR leamašan sámi áššiid ofelažžan 40 jagi, ja dan mii ain dáhttut leat, nanne presideantaevttohas Aili Keskitalo (NSR).

Denne artikkelen på norsk/dárogillii