Sámediggi buktá cealkámuša jahkásaš eanandoallošiehtadallamiidda gaskal stáda ja ealáhusa. Sámedikkis ii leat eará rolla dáid šiehtadallamiin.
6, 9 milliuvnna eanandollui
Sámediggái lea dehálaš sihkarastit ja nannet sámi eanadoalu. Sámediggi juolludii jagis 2008 6,9 milliuvnna ruvnnu eanandoallodoaimmaide. Lea eanaš juolluduvvon ruhta investeremiidda, ovdánahttimii ja ovttasbargodoaimmaide eanandoalus.
Ii oru rivttes guvlui mannamin
Ma?emuš jagiid lea eanadoallu hejodit ovdánan sámi guovlluin, ja dat vuorjá mu. Ovdamearkka dihte cájehit varas logut Finnmárkku fylkkamánnis ahte sávzzadoalut ja mielkedoalut unnot. Dát ii leat buorre go diehttit ahte eanandoallobirrasat sámi guovlluin leat smávvá juo ovddežis, erenoamážit jus buohtastahttá riikkadásiin, cilge sámediggeáirras Tor Mikalsen (NSR).
Son oaivvilda ahte jus dál vel unno eanandoallu sámi guovlluin, de dat uhkida ealáhusa, mii lea dehálaš sihke kultuvrra ja giela dáfus Sámis. Njiedjan maid cuohcá earret eará biebmoproduseremii, meieriijaide ja njuovahagaide sámi guovlluin.
Olu árvalusat
Sámedikki cealkámuš guoskkaha buoret areáladoarjaga heajut dálkkádaga geažil, haddebuhtadeapmi, mielkekvohtaid lasiheapmi, buoret návetvázziortnegiid ja buoret vejolašvuodaid investeremiid dahkat.
Dasa lassin lea deattuhuvvon ahte ferte buoridit rekrutterema eanandoalus. Mii bivdit eanandoalloeiseválddiid ásahit ekonomalaš doaibmabijuid mat movttiidahttet nuoraid váldit badjelasat návehiid, muitala Tor Mikalsen.
Kommenter denne artikkelen