Sámediggeáirras Ann-Mari Thomassen (NSR)

Dutkamis “dorskebivdoeriid juogadeapmi davábealde 62 gráda davvin” duodašta son ahte dorskebivdo­earit leat maiddái sirdásan.  Stuorra mearrafatnasat bisuhit viehka stuorra oasi dorskebivdoeriin, go fas unnit riddofatnasat leat gártan cáhkket bivdoeriid astoáigebivdiide ja dutkanbivdui.

Dát lea duogáš go Norgga Sámiid Riikkasearvi (NSR) dál lokte dán ášši Sámedikkis cielggadandihti Sámedikki oainnuid riddobivdofatnasiid strukturerema ektui.

- Raportta sisdoallu duodašta ain eanet ja nanne dan maid NSR ja Sámediggi oppa áiggi leat cuoccuhan ja maid leat váldán ovdan guolástuseiseválddiiguin. Riddoguovlu lea guhkes áiggi leamaš váttis dilis eiseválddiid guolástuspolitihka geažil, ja dat lea dušše vearránan sakka “gávppašan vejolaš bivdoeriid” geažil. Dán politihka lea Olgešbellodat álggahan ja mun livccen vuordán ahte Bargiidbellodaga guolástusministtar livccii bissehan dan cielgasit, cealká Ann-Mari Thomassen ja cujuha ge  Soria Moria julggaštussii.

Biehttaleimmet dán politihka

NSR ja Sámediggi biehttaledje cielgasit bivdoearrepolitihka guolástusain ja mii biehttaleimmet daid bivdofatnasiid strukturerema mat leat vuollel 15 mehtera. Mii ákkastalaimet garrasit ahte Ráddehus ja Stuorradiggi berrejit vuordit bivdoearregávppa­šemiin šárkkaid ektui. Šállošahtti lea go dát ii vuhtii váldojuvvon, cilge Thomassen.

NSR ja Sámediggi leat maiddái dovddahan guolástuseiseválddiide ahte mii doarjut bivdoeriid sirddašeami mearrafatnasiin riddobivdofatnasiidda. Dát buorida barggolašvuoda ja ássama rittuin ja vuotnagáttiin. Riddofatnasat leat deatalaccat rittuguvlui ja danne lea dárbu buoridit dán fanasjoavkku doaibmavuodu.

Odne dáhttu sámediggeáirras Ann-Mari Thomassen vástádusa cuovvovaš gažaldahkii: