- Mii ovdalaččas diehtit ahte olu nuorat eai diede dahje eai muitte ahte sii duodas fertejit ieža diedihit iežaset jienastuslohkui jus galget beassat jienastit sámediggeválggain. Danin mii dál juo muittuhat sin dán dahkat. Mii oaivvildat leat dehálaš Sámediggái ahte maiddái nuorat oasálastet válggain, cealká presideantaevttohas Aili Keskitalo (NSR).
NSR áigu gida mielde dáinna bargat
NSR áigu gida mielde ulbmilaččat čuovvolit dán barggu oččodit sámi nuoraid čálihit jienastuslohkui. NSR maid rámida Sámedikki nuoraidpolitihkalaš lávdegotti go leat váldán dán barggu duodas, ja sávvat ahte bargu buktá bohtosiid.
Loktejehket bada!
Keskitalo háliida čalmmustahttit man dehálaš lea čálihit jienastuslohkui. – Jus sámi nuorat háliidit ahte Sámediggi galgá ovddidit áššiid mat sin mielas leat dehálaččat, de sii fertejit bada loktet. Sii fertejit ieža oasálastit! Dasa lassin sáhttet eanet nuorat jienastuslogus mearkkašit eanet nuorra politihkkáriid Sámedikkis, muittuha Keskitalo.
Registrerenskovi gávnnat dás!
Dáid sáhtát jienastit dán háve ja dát leat ovdal ceggen listtu
Sámedikki nuoraidlávdegoddi Youtubas
Denne teksten på norsk
Kommenter denne artikkelen