- Oahpponeavvodilli sámi skuvllain lea dovddus ášši. Ledjen behtohallan go Ráđđehus ii lasihan doarjaga sámi oahpponeavvuide sin Stádabušeahttaárvalusas. NSR oaivvilda Sámediggi dál ieš ferte čájehit čielga dáhttu vuoruhit oahpponeavvobuvttadeami. Mii diehttelasat doaivut ahte eanetlohku doarju min dán áššis, cealká NSR presideantaevttohas Aili Keskitalo.
Ruđa várret ođđa oahpponeavvuide
Sámediggi lea ožžon čielga dieđuid skuvllain ja oahpaheddjiin ahte lea stuorámus dárbu buvttadit ođđa oahpponeavvuid Máhtoloktema maŋŋá. Danin NSR dáhttu várret lasáhusa boahtte jagáš bušeahtas ođđa oahpponeavvuid buvttadeapmái.
Ain stuorra dárbu
- Mii diehttit gal ahte dáinna lasáhusain eat vel nákce addit min mánáide buori oahpponeavvofálaldaga, muhto fertet ain ráhčat dan nammii. Seammás fertet muitit ahte lea maid hástalus oččodit doarvái fágaolbmuid buvttadit oahpponeavvuid, cealká Keskitalo.
Kommenter denne artikkelen