Aiddo beliid lea maiddái NSR jođiheaddji ja presideantaevttohas, Aili Keskitalo, bloggegoahtán.
- Lean dávjá jurddašan ahte blogga soaitá leat buorre gaskaoapmin go lea juoga váimmu alde ja go lea miella dieđihastit man nu birra, ja ii oktage eará doppe ruovttus gillešii mu guldalit. Muhto ferten gal mieđihit ahte lean ain oalle easkkaálgi dáid hommáin, čaimmiha Aili Keskitalo.
Mii lea blogga?
Leat dađis eambbo interneahttageavaheaddjit geain lea sierra blogga. Blogga doaibmá dego beaivegirjin neahtas, ja doahpa boahtá eŋgelas sánis”weblog”. Bloggas sáhttá oaiviliid čalmmustahttit ja máilbmái muitalit mas berošta. Bloggas sáhttá leat sihke teaksta, musihkka, govat ja liŋkkat mat sáhttet addit eanet dieđuid. Maiddái earát sáhttet buktit iežaset oaiviliid ja kommentáraid bloggačállosiidda.
Gulahallat olbmuiguin
- Mu mielas lea blogga ođđa ja miellagiddevaš gulahallanvuohki. Erenoamážit lea mu mielas buorre ahte earáin lea vejolašvuohta čállit kommentáraid ja buktit oaiviliid dan birra maid mun čálán. Dan láhkai beasan njuolga gulahallat olbmuiguin. Mu mielas lea dehálaš ahte mii politihkkárat dáinna lágiin leat olahanmuttus, ja hástalan eará sámediggepolitihkkáriid ge geavahišgoahtit dan gulahallanvuogi, dadjá Gunn-Britt Retter.
Liŋkkat bloggaide:
Aili Keskital http://aili-keskitalo.blogspot.com/
Gunn-Britt Retter: http://retter.no/
Kirsti Guvsám: http://kirstiguvsam.blogspot.com/
Randi A. Skum: http://www.randiskum.blogspot.com/
Silje Muotka: http://dagajuoga.blogspot.com/
- - - -
Susanne Amalie Andersen: http://susanneamalie.blogspot.com/
Tor Mikalsen: http://www.vuonan.no/blogs/tor_mikalsens_blogg
Klemet Erland Hætta: http://klemet.blogspot.com/
Denne teksten på norsk/dárogillii
Kommenter denne artikkelen